ქართული სპორტი / ქართული რაგბი /
უმცროსი "ბორჯღალოსნების" პირველი გამარჯვება მსოფლიო ჩემპიონატზე
06/12/2019 19:31
558

საქართველოს 20-წლამდე მორაგბეთა ნაკრებმა 2019 წლის მსოფლიო ჩემპიონატზე პირველი მატჩი მოიგო.

უმცროსმა "ბორჯღალოსნება" შოტლანდიელ თანატოლებს ანგარიშით 17:12 სძლიეს და მსოფლიო ჩემპიონატზე 9-12 ადგილისთვის ბრძოლას განაგრძობენ.

ქართველმა მორაგბეებმა შოტლანდიელებს როგორც ანგარიშით, ასევე თამაშითაც აჯობეს. საქართველოს ნაკრებიდან ლელოები გუნდის კაპიტანმა, თედო აბჟანდაძემ და ლუკა ნიორაძემ გაიტანეს, ხოლო აბჟანდაძემ ასევე ზუსტად შესრულებული და ორი გარდასახვა მიითვალა.

აღსანიშნავია, რომ საქართველოს 20-წლამდე მორაგბეთა ნაკრები მომდევნო მატჩის მოგების შემთხვევაში, 2020 წლის მსოფლიო ჩემპიონატის საგზურს ავტომატურად მოიპოვებს. უმცროსი "ბორჯღალოსნების" მორიგი მეტოქის ვინაობა კი მოგვიანებით გახდება ცნობილი.

ფოტო: World Rugby

#Flashscore