ფეხბურთი / ქართული ფეხბურთი /
ოფიციალურად: ვაკო გვილია ლეგიას ფეხბურთელია
06/12/2019 23:00
672

საქართველოს ეროვნული ნაკრების ნახევარმცველი, ვაკო გვილია კარიერას ვარშავის ლეგიაში გააგრძელებს.

ქართველმა ფეხბურთელმა პოლონურ კლუბთან ორწლიანი კონტრაქტი გააფორმა. ვაკო გვილია ლეგიაში რვანომრიანი მაისურით ითამაშებს.

აღსანიშნავია, რომ გასული სეზონი გვილიამ ასევე პოლონურ კლუბში, გორნიკში გაატარა. გორნიკის ცნობით, მათ ქართველ ფეხბურთელს კარგი კონტრაქტი შესთავაზეს, თუმცა გვილიამ გახანგრძლივებაზე უარი თქვა და კარიერას ვარშავურ კლუბში განაგრძობს.

"იმისთვის, რომ ლეგიაში გადმოვსულიყავი, ბევრი ფიქრი არ დამჭირვებია. ძალიან ბედნიერი ვარ. ერთი სული მაქვს, როდის ვითამაშებ ვარშავური კლუბის საშინაო მოედანზე", - განაცხადა გვილიამ.

შეგახსენებთ, რომ გასულ სეზონში ლეგიამ სატურნირო ცხრილში მეორე ადგილი დაიკავა. საჩემპიონო ბრძოლაში, პირველიადგილოსან პიასტს კი მხოლოდ ოთხი ქულით ჩამორჩა.

#Flashscore