რაგბი / სუპერ რაგბი /
20-წლამდე მორაგბეთა მსოფლიო ჩემპიონატის ფინალისტები ცნობილია
06/18/2019 1:06
539

არგენტინაში მიმდინარე 20-წლამდე მორაგბეთა მსოფლიო ჩემპიონატი დასასრულს უახლოვდება.

17 ივნისს სანტა ფესა და როსარიოში პლეიოფები გაიმართა.

მსოფლიო ჩემპიონატის ნახევარფინალში ერთმანეთს საფრანგეთისა და სამხრეთ აფრიკისა და არგენტინისა და ავსტრალიის ნაკრებები დაუპირისპირდნენ.

პირველ ნახევარფინალში ავსტრალიის ნაკრებმა მასპინძელ არგენტინას ანგარიშით 34:13 სძლია და მსოფლიო ჩემპიონატის ფინალში ისტორიაში მეორედ გავიდა. ავსტრალიის მეტოქე ფინალურ შეხვედრაში მოქმედი მსოფლიო ჩემპიონი, საფრანგეთი იქნება, რომელმაც ნახევარფინალში სამხრეთ აფრიკას ანგარიშით 20:7 მოუგო.

ფინალური შეხვედრა როსარიოში, რასეცურსის სტადიონზე 22 ივნისს, თბილისის დროით 22:30 საათზე გაიმართება.

მესამე ადგილისთვის შეხვედრა ავსტრალიასა და არგენტინას შორის ასევე 22 ივნისს, თბილისის დროით 20:00 საათზე დაიწყება.

მსოფლიო ჩემპიონატზე მეხუთე ადგილისთვის უელსი და ინგლისი იბრძოლებენ. ინგლისელებმა პლეიოფში ირლანდიას სძლიეს, ხოლო უელსმა ახალ ზელანდიას მოუგო. შესაბამისად, მეშვიდე ადგილისთვის ახალი ზელანდია და ირლანდია იბრძოლებენ.

რაც შეეხება მეცხრე ადგილს, გასული წლის შედეგის განმეორებას ეცდება საქართველოს 20-წლამდე ნაკრები, რომელიც იტალიას დაუპირისპირდება. "ელიტაში" დასარჩენად და მეთერთმეტე ადგილისთვის კი საქართველოსთან დამარცხებული ფიჯი და შოტლანდია ითამაშებენ.

შეგახსენებთ, რომ უმცროსმა ბორჯღალოსნებმა ფიჯის სძლიეს, ორი მატჩის მოგებით 2020 წლის მსოფლიო ჩემპიონატზე ადგილი გაინაღდეს და მეცხრე ადგილისთვის იტალიას შეებრძოლებიან.

#Flashscore