ქართული სპორტი / /
უმცროსმა ბორჯღალოსნებმა მსოფლიო ჩემპიონატი მეათე ადგილზე დაასრულეს
06/23/2019 0:44
283

საქართველოს 20-წლამდე მორაგბეთა ნაკრებმა მსოფლიო ჩემპიონატზე მეხუთე მატჩი გამართა.

უმცროსი ბორჯღალოსნები მეცხრე ადგილისთვის შეხვედრაში იტალიას დაუპირისპირდნენ და ანგარიშით 17:29 დამარცხდნენ.

მატჩი იტალიელთა უპირატესობით დაიწყო და საქართველოს მეტოქემ პირველი ლელო მეთერთმეტე წუთზე დადო. დრუდის ლელოს გარბისიმ ზუსტი გარდასახვა მიაყოლა და იტალია 7:0 დაწინაურდა.

პირველი ტაიმის მიწურულს იტალიელთა კარის მიმართულებით ხელსაყრელი ჯარიმა დაინიშნა, რაც თედო აბჟანდაძემ ზუსტად შეასრულა და პირველი ტაიმის საბოლოო ანგარიში 3:7 დააფიქსირა.

მეორე ტაიმი ქართველმა მორაგბეებმა უფრო აქტიურად დაიწყეს, რასაც 48-ე წუთზე დემე თაფლაძის ლელო მოჰყვა, თედო აბჟანდაძემ კი უმარტივესი პოზიციიდან ბურთი გარდასახა და საქართველოს ნაკრები 10:3 დაწინაურდა.

52-ე წუთზე მიხეილ ალანიას გარღვევის შემდეგ საქართველოს ნაკრებმა მატჩში მეორე ლელო დადო და ათქულიანი უპირატესობა მოიპოვა - 17:7.

თუმცა მეორე გაშვებულ ლელოს იტალიელებმა მალევე უპასუხეს და 59-ე წუთზე მორიმ მორიგი ლელო დადო - 17:14.

65-ე წუთზე იტალიელებმა მორიგი შეტევა გამოიყენეს და ტრულამ საქართველოს მესამე ლელო დაუდო - 17:21.

სამ წუთში კი გარბისიმ, ჯარიმა გაირანა და იტალია შვიდქულიანი უპირატესობით დააწინაურა - 17:24.

77-ე წუთზე კაპუცომ მატჩში უკანასკნელი ლელო გაიტანა და საბოლოო ანგარიში 17:29 იტალიის სასარგებლოდ დააფიქსირა.

აღსანიშნავია, რომ საქართველოს ნაკრებმა 2020 წლის მსოფლიო ჩემპიონატზე ასპარეზობის უფლება გაინაღდა და ზედიზედ მეხუთედ "ელიტაში" ითამაშებენ.

ცნობისთვის, 2020 წლის 20-წლამდე მორაგბეთა მსოფლიო ჩემპიონატს იტალია უმასპინძლებს. საქართველოს ნაკრების მეტოქეები მომდევნო წლის მსოფლიოპირველობაზე კი უკვე ცნობილია.

#Flashscore