ფეხბურთი / პრემიერლიგა /
ლესტერი საკლუბო რეკორდს ამყარებს
07/05/2019 23:38
766

ავტორიტეტული ბრიტანული სააგენტო Sky Sports-ის ინფორმაციით ლესტერმა მონაკოსთან ბელგიელი იური ტილემანსის ტრანსფერის თითქმის ყველა დეტალი შეათანხმა.

ინგლისელებს ახალგაზრდა ნახევარმცველის ტრანსფერი 40 მილიონი გირვანქა დაუჯდებათ, რაც კლუბისთვის სარეკორდო მაჩვენებელია.

დიდი ალბათობით, ფეხბურთელი სამედიცინო შემოწმებას დღესვე გაივლის და კლუბთან კონტრაქტსაც გააფორმებს.

ეს "მელიებისთვის" მიმდინარე სატრანსფერო პერიოდში მეორე შენაძენია, გუშინ 30 მილიონი გირვანქას სანაცვლოდ გუნდმა ნიუკასლის ყოფილი შემტევი აიოსე პერესი გადაიბირა.

შეგახსენებთ, რომ ტილემანსმა ლესტერში გასული სეზონის მეორე ნახევარი განათხოვრების წესით გაატარა და როგორც ჩანს ბრენდან როჯერსს თავი მოაწონა.

#Flashscore