ფეხბურთი / მსოფლიო ფეხბურთი /
Copa Libertadores | ისტორია და ფაქტები
12/09/2018 18:28
1290
მოგეხსენებათ, XIX საუკუნემდე სამხრეთ ამერიკაში ესპანეთს პრაქტიკულად განუზომელი პოლიტიკური გავლენა ჰქონდა. აღნიშნული კონტინენტის იმდროინდელმა კოლონიებმა ნელ-ნელა დაიწყეს გამოღვიძება, შემდეგ კი - დამოუკიდებლობისათვის ბრძოლა ესპანეთისა და სხვა კოლონიზატორი სახელმწიფოების წინააღმდეგ, რაც მომავალში წარმატებით დააგვირგვინეს კიდეც სრული დამოუკიდებლობის გამოცხადებით.
 
ამერიკაში ესპანეთის გავლენა მას შემდეგ აღმოცენდა, რაც ქრისტეფორე კოლუმბმა კარიბის ზღვის კუნძულები აღმოაჩინა 1492 წელს. მომავალი 300 წლის განმავლობაში, აქ გადმოსახლდა 600 000-ზე მეტი ესპანელი. კოლონიათა დასამორჩილებლად, XIX საუკუნის სამხრეთ ამერიკაში გაჩაღდა არაერთი ომი, რომელთა მსხვერპლიც იყო მექსიკა, პერუ, არგენტინა, ჩილე, ბოლივია და სხვა.
 
არც ისე რთული მისახვედრია, რომ დღემდე დამოუკიდებლობისთვის ბრძოლა ლათინური ამერიკისთვის სიამაყისა და ღირსების საკითხია. სწორედ ამიტომ, კოპა ლიბერტადორესიც პირდაპირ კავშირშია ამ ისტორიასთან. აღნიშნულ ტურნირს Libertadores-ი სამხრეთ ამერიკის გმირების - სიმონ ბოლივარის, ხოსე დე სან-მარტინის, ანტონიო სუკრეს, ხოსე არტიგასა და კონტინენტის სხვა განმანთავისუფლებელთა საპატივსაცემოდ ეწოდა.
 
როგორც ხვდებით, ესპანეთისგან დამოუკიდებლობის მოპოვება სამხრეთამერიკელთათვის საკმაოდ მტკივნეული პროცესი იყო. ამის მიუხედავად, შეიძლება ითქვას პარადოქსულად, დღეს ლიბერტადორესის ფინალი ესპანეთის შუაგულში - მადრიდში გაიმართება. ბუნებრივია, აღნიშნულმა ფაქტმა გამოიწვია არგენტინელ გულშემატკივართა უკმაყოფილების ტალღა და მათ ტურნირს ახალი ზედმეტსახელიც შეურჩიეს - ლიბერტადორესის ნაცვლად, კონკისტადორების თასი. 
 
გთავაზობთ საინტერესო სურათებს, რომლებიც მიეძღვნა აღნიშნულ დაპირისპირებას:
 
დღევანდელი პარადოქსი რომ ფოტო იყო, დაახლოებით ასეთი იქნებოდა:
 
 
არც ისე რთული მისახვედრია, რომ აღნიშნული სურათი ესპანელთა შემოქმედების ნაყოფია:
 
 
საფეხბურთო სამყაროში აღიარებული ფაქტია, რომ არგენტინელებს ფეხბურთი პრაქტიკულად რელიგიის დონეზე აქვთ აყვანილი. ყოველგვარი ისტორიული და პოლიტიკური დაპირისპირების მიუხედავად, არგენტინელი გულშემატკივარი სრულ მზადყოფნაშია. როგორც ამბობენ ესპანელები, რამდენიმე დღით მადრიდი ბუენოს აირესს დაემსგავსა. სწორედ ამას მოწმობს აღნიშნული ფოტოსურათები:
 
 
შეგახსენებთ, რომ კოპა ლიბერტადორესის ფინალი დღეს, თბილისის დროით 23:45-ზე გაიმართება. ორმატჩიანი დაპირისპირების პირველი შეხვედრა ფრედ - 2:2 დასრულდა.
#Flashscore