ჩოგბურთი / WTA /
კოკოს ზღაპარი დასრულდა - უიმბლდონზე მეოთხედფინალსიტები გამოავლინეს
07/08/2019 20:39
346

უიმბლდონზე, ქალთა შორის მერვედფინალური მატჩები გაიმართა.

ერთ-ერთი ყველაზე მოულოდნელი შედეგი მსოფლიოს პირველმა ჩოგანმა, ეშლი ბარტიმ დააფიქსირა. ავსტრალიელი ჩოგბურთელი მერვედფინალში ამერიკელ ელისონ რისკეს დაუპირისპირდა, სამ სეტში, ანგარიშით 6:3; 2:6; 3:6 დამარცხდა და უიმბლდონს გამოეთიშა. რისკე კი მეოთხედფინალში სერენა უილიამს შეხვდება. სერენამ მერვედფინალში ესპანელი კარლა სუარეს ნავარო მარტივად, ორ სეტში, ანგარიშით 6:2; 6:2 დაამარცხა და უიმბლდონზე 24-ე გრანდ სლემის ტიტულისთვის ბრძოლას განაგრძობს.

ჩეხი ბარბორა სტრიკოვა კი ბელგიელ ელის მერტენსს დაუპირისპირდა და სამ სეტში, ანგარიშით 4:6; 7:5; 6:2 მოუგო. სრიკოვა მეოთხედფინალში ბრიტანელ ჯოანა კონტას დაუპირისპირდება. კონტამ კი მერვედფინალში მსოფლიოს მეექვსე ჩოგანს, ჩეხ პეტრა კვიტოვას 4:6; 6:2; 6:4 მოუგო.

მერვედფინალშია ასევე უკრაინელი ელინა სვიტოლინა, რომელმაც მერვედფინალში ხორვატ პეტრა მარტიჩს 6:4; 6:2 მოუგო. სვიტოლინას მეტოქე მეოთხედფინალში ჩეხ კაროლინა მუჩოვას დაუპირისპირდება, რომელმაც მერვედფინალში მისი თანამემამულე კაროლინა პლისკოვა 4:6; 7:5; 13:11 დაამარცხა.

დასრულდა 15 წლის ამერიკელი ჩოგბურთელის, კორი გაუფის ზღაპარი, რომელმაც უიმბლდონზე სენსაციური გამარჯვებით მაყურებლების გული დაიპყრო. მერვედფინალში კოკო მსოფლიოს მეშვიდე ჩოგანთან, რუმინელ სიმონა ჰალეპთან 3:6; 3:6 დამარცხდა. უიმბლდონის პირველ კორტზე შეკრებილმა პუბლიკამ კი თინეიჯერი ჩოგბურთელი აპლოდისმენტებით გააცილა. ჰალეპი კი მეოთხედფინალში ჩინელ შუაი ჟენგს დაუპირისპირდება, რომელმაც მერვედფინალში უკრაინელ დიანა რასტრემკას სამ სეტში, ანგარიშით 6:4; 1:6; 6:2 მოუგო.

#Flashscore