სხვა / სუმო /
ტოჩინოშინი: "ვეცდები ყველაფერი გავაკეთო"
07/10/2019 17:51
308

ქართველმა სუმოტორმა, ლევან გორგაძემ ნაგოია ბაშოზე დღეს, 10 ივლისს ზედიზედ მეოთხე შეხვედრა წააგო.

ტურნირის დაწყებამდე, იაპონურ მედიაში გავრცელდა ინფორმაცია, რომ ტოჩინოშინმა მხრის ტრავმა მიიღო, თუმცა ქართველი ოძეკი ივლისის ბაშოზე მაინც გამოდის.

მეოთხე წაგების შემდეგ, ლევან გორგაძე Sankei Sports-ს ესაუბრა და აღნიშნა, რომ ძველი, მუხლის ტრავმა კვლავაც აწუხებს.

"თავს კარგად არ ვგრძნობ. ვაპირებ ხვალიდან თავიდან დავიწყო. მუხლის ტრავმა არ მაძლევს საშუალებას, ჩემი სუმო ვიჭიდაო. თუმცა ვეცდები, ყველაფერი გავაკეთო", - განაცხადა ტოჩინოშინმა.

შეგახსენებთ, რომ ნაგოია ბაშოს მეხუთე დღეს ტოჩინოშინი ასანოიამას დაუპირისპირდება.