ფეხბურთი / ლა ლიგა /
ნაპოლი როდრიგოს შესაძენად ყველაფერს აკეთებს
07/10/2019 22:11
378

გამოცემა superdeporte.es ძალიან საინტერესო ინფორმაციას ავრცელებს. საქმე იმაშია, რომ იტალიის ვიცე-ჩემპიონი ნაპოლი დიდი ხანია ვალენსიასა და ესპანეთის ნაკრების ფორვარდით როდრიგო მორენოთი ინტერესდება.

"ღამურებმა" რამდენიმე ძალიან მსუყე შეთავაზებაზე თქვეს უარი და განაცხადეს, რომ მოთამაშეს მხოლოდ 70 მილიონ ევროდ შეელევიან.

ნაპოლის პირდაპირ ამ თანხის გადახდის შესაძლებლობა არ აქვს, ამიტომაც სამხრეთ იტალიელებმა ასეთი რამ მოიფიქრეს: 50 მილიონს, პლუს 10 მილიონი ბონუსებით და პოლონელი ფორვარდი არკადიუშ მილიკი.

ვნახოთ რას გადაწყვეტს ვალენსიას ხელმძღვანელობა, როგორც ჩანს ეს ნეაპოლიტანელთა ბოლო შეთავაზებაა.

#Flashscore