ფეხბურთი / ჩემპიონთა ლიგა /
ჩემპიონთა ლიგა, საკვალიფიკაციო - საბურთალომ შერიფი გაანადგურა
07/10/2019 23:23
471
Loading the player...

თბილისის საბურთალომ ჩემპიონთა ლიგის საკვალიფიკაციო ეტაპის მატჩში ტირასპოლის შერიფი გასვლაზე 0:3 გაანადგურა.

მატჩი ქართველთა სრული დომინაციით წარიმართა და მეტოქეს თითქმის არანაირი შანსი არ ჰქონია. პირველი გოლი 30-ე წუთზე საკმაოდ საინტერესო კომბინაციის შემდეგ გავიდა, სადაც მატჩის უდავოდ საუკეთესო მოთამაშემ გიორგი კოხრეიძემ მარჯვენა ფლანგზე ვაგნერი მონახა, მან იქვე მალის დაუგორა, მისი ჩაწოდებული კი იგნიენ როლოვიჩმა გოლად აქცია 0:1.

ქართველებმა მეორე ნახევარიც ისეთივე შემართებით დაიწყეს, თუმცა რამდენიმე წუთი მეტოქეს ბურთის კონტროლის უფლება მისცეს და თვითონ სწრაფ კონტრ-იერიშებზე გააკეთეს აქცენტი, რამაც 100 %-ით გაამართლა.

67-ე წუთზე, ერთ-ერთი ასეთი შეტევისას ლუკა ლაკვეხელიანმა აუტიდან ზემოთ ხსენებული კოხრეიძე მოძებნა, მან დაახლოებით 15 მეტრი ირბინა და საჯარიმოს გარედან "ცხრიანში" უძლიერესი დარტყმით კარიერის საუკეთესო გოლი გაიტანა.

ზუსტად 4 წუთში კი ქართველებმა საბოლოო ანგარიში დააფიქსირეს, ვაგნერ გონსალვეშის კუთხურიდან ჩაწოდებულ ბურთს კოხრეიძემ თავით მიმართულება შეუცვალა (როგორც ჩანს ზუსტად იცოდა საითაც), მარჯვენა კუთხესთან კი ყველას შეცვლაზე შემოსულმა კაკუბავამ დაასწრო და 0:3.

ტირასპოლი. "ბოლშაია სპორტივნაია არენა"
 
შერიფი - საბურთალო 0:3
 
შერიფი: მიკულიჩი, პალჩიჩი, იახი, ხურადო, კრისტიანო, პალიჩი, გორდიენკო, ლატიფი, ბობანი, კენდიჩი, პოსმაცი
 
საბურთალო: მიგინეიშვილი, მალი, მარგველაშვილი, რეხვიაშვილი, გონსალვესი, ლაკვეხელიანი, დიასამიძე, ალთუნაშვილი, გორგიაშვილი, როლოვიჩი, კოხრეიძე

განმეორებითი შეხვედრა 16 ივლისს თბილისის მიხეილ მესხის სახელობის სტადიონზე გაიმართება.