ფეხბურთი / ევროპის ლიგა /
დინამომ ანდორული ენგორდანი გაანადგურა
07/11/2019 22:51
127

ევროპა ლიგის საკვალიფიკაციო ეტაპის პირველ შეხვედრაში დინამო თბილისმა ანდორულ ენგორდანის 6 უპაუსხო გოლი გაუტანა.

მასპინძლები სწრაფი გოლით დაწინაურდნენ. მე-6 წუთზე ანგარიში ნიკა ნინუამ ეფექტური საჯარიმო დარტყმით გახსნა. 

21-ე წუთზე მასპინძელთა უპირატესობა ორამდე გიორგი კუხიანიძემ გაზარდა, რომელმაც ლამაზი დარტყმით აიღო სტუმართა კარი და პირველი ტაიმის ანგარიში დააფიქსირა. 

მეორე ტაიმი ანდორელთა რამდენიმე დარტყმით დაიწყო, 55-ე წუთზე კი კუტალიას შეეძლო გატანა, თუმცა ხელსაყრელი პოზიციიდან ააცილა კარს. 

61-ე წუთზე დინამოელთა უპირატესობა სამბურთიანი გახდა. ქიმაძის თავური ენგორდანის მეკარემ მოიგერია, დამატებაზე კი ყველას ნოდარ ქავთარაძემ დაასწრო. მალევე დაფეს გადაცემით ზარიას შეეძლო გატანა, თუმცა კარს მცირე მანძილით ააცილა. 

69-ე წუთზე ქიმაძის წაქცევისთვის დანიშნული პენალტი გოლად კუტალიამ აქცია, ხოლო 71-ე წუთზე კუხიანიძემ დუბლი გაიფორმა და თბილისელთა უპირატესობა ხუთამდე გაზარდა. 

მე-80 წუთზე თბილისელებმა კიდევ ერთხელ აიღეს ენგორდანის კარი. გუჯა რუხიამ თამაში მარჯვენა ფლანგიდან გაამწვავა და კარგი პასი გაუკეთა გიორგი ზარიას, რომელამაც ზუსტად დაარტყა და მატჩის საბოლოო ანგარიში დააფიქსირა. 

ენგორდანის და დინამოს საპასუხო შეხვედრა ანდორაში 18 ივლისს, თბილისის დროით 21:30-ზე გაიმართება.