ფეხბურთი / ევროპის ლიგა /
ფელის ვისენტე: "დინამოში ახალწვეულების ადაპტაცია კარგად მიმდინარეობს"
07/11/2019 23:31
185

დინამოს მთავარმა მწვრთნელმა, ფელის ვისენტემ ენგორდანისთან დამაჯერებლად მოგებული მატჩი შეაფასა.

ფელის ვისენტე: "დღევანდელი შედეგი ძალაინ სასიხარულოა, ახლა კი მხოლოდ მომდევნო მატჩზე ვფიქრობთ. ვეცდებით, რომ ანდორაში გასამართი შეხვედრაც გამარჯვებით დავასრულოთ. შესაძლოა, საპასუხო მატჩი გადახალისებული შემადგენლობით ვითამაშოთ, თუმცა ზუსტი შემადგენლობა ბოლო წუთებამდე არ გვეცოდინება. გუნდში ახალი მოთამაშის მოსვლის შემდეგ, სასურველია, რომ ფეხბურთელმა მალევე მოახდინოს ადაპტაცია. ჩემი აზრით, დინამოში ეს პროცესი ძალიან კარგად მიმდინარეობს. შესაძლოა, გუნდში კიდევ იყოს ცვლილებები, თუმცა დღევანდელი შემადგენლობაც საკმაოდ ძლიერია და შეგვიძლია წარმატების მიღწევა". 

მატჩის შესახებ კომენტარი დუბლის ავტორმა, გიორგი კუხიანიძემაც გააკეთა. 

გიორგი კუხიანიძე: "ვულოცავ საქართველოს დღევანდელ გამარჯვებას. გუნდში ძალიან კარგი განწყობაა. ჩემპიონატშიც პირველ ადგილზე ვართ და ვეცდებით, რომ ეროვნული ლიგა წარმატებით დავასრულოთ. ანდორაში გასამართ მომდევნო მატჩში გამარჯვებისთვის ვიბრძოლებთ". 

ენგორდანის და დინამოს საპასუხო შეხვედრა ანდორაში 18 ივლისს, თბილისის დროით 21:30-ზე გაიმართება. 

 
#Flashscore