გოგა ბითაძემ მორიგი სუპერ მატჩი ჩაატარა, მის ანგარიშზე, ჩატარებული 32 წუთი, 28 ქულა, 11 მოხსნა და 4 დაფარებაა, ის თამაშის MVP გახდა.

სამწუხაროა, რომ მისი კარგი თამაში, ვერ დაეხმარა "მეგა ბემაქსს" სერბული კალათბურთის გრანდ "პარტიზნთან" და სერბულ დერბიში "მეგამ" პირველი მარცხი იწვნია "ABA-Liga-ზე 81:74.

მიუხედავად ამისა, გოგასთვის ეს თამაში ძალიან პოზიტიური გამოდგა. მან კარიერის უმაღლესი მაჩვენებლი დააფიქსირა ჩაგდებული 28 ქულით.

ბელგრადელებმა თავიდანვე მოიპოვეს უპირატესობა და მესამე მეოთხედის ბოლოს 14 ქულით იყვნენ წინ. მეოთხე პერიოდში "მეგა ბემაქსმა" მხოლოდ ანგარიშის შემცირება მოახერხა.

"პარტიზანთან" ერთად პირველი გამარჯვება იზეიმა გუნდის ახალმა მთავარმა მწვრთნელმა ანდრეა ტრინკიერიმ, რომელსაც რამდენიმე წლის წინ გიორგი შერმადინთან და მანუჩარ მარკოიშვილთან უმუშავია იტალიურ "კანტუში".

გოგას გუნდი 9 ნოემბერს ხორვატულ "ზადარს" შეხვდება. "მეგა ბემაქსის" ანგარიშზე 5 მოგებაა და ადრიატიკის ლიგის ერთ-ერთი ლიდერია.

HAMMER TIME! ?

Goga Bitadze rises for another BRUTAL dunk! ?#ABALiga @KKMegaBemax pic.twitter.com/axEOKtmdwE
— ABA Liga (@ABA_League) November 3, 2018

ბითაძის სუპერ მატჩი

ასევე იხილეთ

უახლესი ამბები