სხვა / UFC /
ხაბიბის აგენტი - "მეივეზერის წარმომადგენლები გამუდმებით რეკავენ"
07/18/2019 14:44
531

UFC-ის დაღესტნელი ჩემპიონის ხაბიბ ნურმაგომედოვის აგენტმა ალი აბდელაზიზმა მისი კლიენტისა და ბოქსის დაუმარცხებელი ჩემპიონის ფლოიდ მეივეზერის შესაძლო დაპირისპირებაზე ისაუბრა.

"ფლოიდს ხაბიბთან შეხვედრა იმდენად უნდა, რომ ამას მეხვეწება. მისი წარმომადგენლები გამუდმებით რეკავენ, თუმცა ჩვენ ეს იდეა ნამდვილად არ გვაინტერესებს.

ჩემს კლიენტს ამჟამად სხვა გეგმები აქვს და დასტინ პორიესთან ბრძოლისთვის ემზადება, ფლოიდის ადგილი ჩვენს უახლოეს გეგმებში ნამდვილად არ არის.

მომავალში არ ვიცი რა იქნება, ამაზე კომენტარის გაკეთება უაზრობაა, რა თქმა უნდა ზოგადად მეივეზერთან ბრძოლას არ გამოვრიცხავთ" - დაასრულა ალი აბდელაზიზმა.

#Flashscore