სხვა / სხვა /
საქართველოს მოფარიკავეთა ნაკრები მსოფლიო ჩემპიონატის მეოთხედფინალშია
07/20/2019 18:55
210

უნგრეთის დედაქალაქი, ბუდაპეშტი ფარიკაობაში მსოფლიო ჩემპიონატს მასპინძლობს.

ტურნირზე მონაწილეობას საქართველოს ხმლით მოფარიკავეთა ნაკრებიც იღებს, რომელიც უკვე მეოთხედფინალში გავიდა.

ჩვენმა გუნდმა ბუდაპეშტში მიმდინარე მსოფლიო ჩემპიონატის მერვედფინალში საფრანგეთის ძლიერი ნაკრები, ანგარიშით 45-42 დაამარცხა და საუკეთესო რვა გუნდში მოხვდა.

ქართველი მოფარიკავეები მედლებისათვის ბრძოლას ხვალ, 21 ივლისს განაგრძობენ. მეოთხედფინალში საქართველოს მეტოქე იტალიის ნაკრები იქნება, რომელთანაც ერთი თვის წინ, ევროპის ჩემპიონატზე მსაჯების საკამათო გადაწყვეტილებით ანგარიშით 44:45 დამარცხდა.

ტეგები:
#Flashscore