ფეხბურთი / ლა ლიგა /
დიეგო სიმეონე: "ის საუკეთესოა, რატომ არ უნდა მინდოდეს მისი გაწვრთნა?!"
07/20/2019 21:53
1089

მადრიდის ატლეტიკოს მთავარმა მწვრთნელმა, დიეგო სიმეონემ არგენტინულ ტელეარხ TyC Sport-თან ვრცელ სატელეფონო ინტერვიუში სხვადასხვა საკითხზე ისაუბრა.

მათ შორის კი 2019 წლის კოპა ამერიკის გათამაშებასა და არგენტინის ეროვნული ნაკრების კაპიტანზე, ლიონელ მესიზეც ისაუბრა.

"მესი მსოფლიოში საუკეთესო ფეხბურთელია. რატომ არ უნდა მინდოდეს მისი გაწყვრთნა?! ლეომ მთელი არგენტინა კოპა ამერიკაზე გაიყვანა. არ მაინტერესებს მისი სხვა განცხადებები. ყველას აქვს უფლება, სჯეროდეს იმის, რაც სურს. მაგრამ მე მიმაჩნია, რომ მთელი ტურნირის განმავლობაში ის ნამდვილი ლიდერივით იქცეოდა", - განაცხადა სიმეონემ.

შეგახსენებთ, რომ არგენტინის ეროვნულმა ნაკრებმა 2019 წლის კოპა ამერიკის გათამაშებაზე ჩილე დაამარცხა და მესამე ადგილი დაიკავა. კოპა ამერიკა და მესამე ადგილისთვის შეხვედრა კი გამორჩეული ლიონელ მესის გაძევებითა და მისი განცხადებებით იყო.

 

#Flashscore