კალათბურთი / ნაკრებები /
ქართველები ბულგარელებთან დამარცხდნენ
07/21/2019 0:34
126

საქართველოს U20 საკალათბურთო ნაკრები ახალგაზრდულ Eurobasket-ს, ოფიციალურად, ჯერ კიდევ, 19 ივლისს გამოეთიშა მეოთხედფინალიდან. ამჯერად, მათ მე-5-8 ადგილისათვის ბრძოლა მოუხდათ ბულგარეთის U20 ეროვნულ ნაკრებთან, მაგრამ, სამწუხაროდ, დამარცხდნენ, ანგარიშით - 86-75.

ქართველი ბიჭები ცუდად არ გამოყურებოდნენ, რადგან ასეთ ასაკობრივ ტურნირზე 75 ქულა ცოტა ნამდვილად არ არის, თუმცა, ბულგარელებს მონდომებას ვერ დავუკარგავთ. საბოლოოდ კი, ჯამში, 161 ქულით, მატჩი ჩემპიონატის ერთ-ერთი ყველაზე უხვქულიანი შეხვედრა გამოდგა.

საქართველოს ნაკრების მიერ მეორე მეოთხედის მოგების შემდეგ (24-19), ანგარიშში სხვაობა მხოლოდ 2 ქულა გახლდათ ბულგარეთის სასარგებლოდ, თუმცა, ჩვენმა ბიჭებმა დარჩენილი ორი მეოთხედიდან ორივე წააგეს.

მეშვიდე ადგილისთვის შეხვედრას კი ჩვენი ნაკრები ხვალ, 21 ივლისს, ისლანდიის წინააღმდეგ გამართავს.