კალათბურთი / NBA /
მარფანის სინდრომი და კალათბურთი
07/21/2019 11:55
230

აიზეია ოსტინი და ჯონათან ჯინი. ეს ის ორი ახალგაზრდაა, რომელთაც მარფანის სინდრომმა საკალათბურთო კარიერა დაუნგრია, მათ შანსი ჰქონდათ, NBA-ში ეასპარეზათ.

ავხსნათ, რას წარმოადგენს მარფანის სინდრომი.

ეს არის პათოლოგიების ერთობლიობა, რომელიც, ზედაპირულად, ხასიათდება სიგამხდრით, სიმაღლითა და უზარმაზარი მკლავებით. დაავადება წარმოადგენს ცილა ფიბრილინის სხვადასხვაგვარ მუტაციას, რომელიც, თავის მხრივ, იწვევს არაერთ ჯაჭვურ მოვლენას: გულის ატროფიას (ზომაში შემცირება), ძვლების გამყიფებას, დიდ სიმაღლეს (208სმ და მეტი), არაპროპორციულ კიდურებს, სიგამხდრეს, თვალის ბროლის ექტოპიას (მცირედ გადაადგილება) და ა.შ.

ფიბრილინი, თითქმის, ყველანაირი ორგანოს კედლის შენებაში იღებს მონაწილეობას, სწორედ ამიტომ დგება საფრთხის ქვეშ სხვადასხვა ორგანოთა სისტემების სტრუქტურული მთლიანობა, როცა ეს ცილა გენეტიკურად მუტირებულია.

ექიმები, პირველ რიგში, კატეგორიულად და სასწრაფოდ იმიტომ უკრძალავენ მარფანის სინდრომით დაავადებულებს მძიმე ფიზიკურ დატვირთვას, რომ ამ დროს, შესაძლოა, მათ დაემართოთ მომენტალური პნევმოთორაქსი (ჰაერის დაგროვება პლევრის ღრუში, ანუ გარსში, რომელიც შემოსაზღვრავს გულსა და ფილტვებს).

დაავადება არ იკურნება.

აიზეია ოსტინიც და ჯონათან ჯინიც საკმაოდ პერსპექტიულ ცენტრებად ითვლებოდნენ, განსაკუთრებით, დაცვითი კრიტერიუმებით. აიზეია, 2016 წელს, სიმბოლურად აირჩიეს კიდეც NBA-ს დრაფტზე.

მეტი კონკრეტულობისათვის, გთავაზობთ მათ მომენტებსა და ფიზიკურ მონაცემებს:

აიზეია ოსტინი - 217სმ, 99კგ, 229სმ Wingspan

ჯონათან ჯინი - 219სმ, 95კგ, 231სმ Wingspan