კალათბურთი / ქართული კალათბურთი /
ახალი ქართველი ტალანტი, რომელსაც NCAA-ში ეპატიჟებიან
07/23/2019 12:06
423

17 წლის საბა გიგიბერია, რომელიც საქართველოს U18 ნაკრებში ასპარეზობს, სიმაღლეში 217სმ-ია და თავის ამჟამინდელ გუნდში საუკეთესო მომხსნელად ითვლება.

საბა აშშ-ში თამაშობს, კერძოდ, Findlay College Prep-ში (ნევადა). ეს არის გუნდი, რომელმაც აღზარდა კლივლემდ კავალიერსის ცენტრი - ტრისტან ტომპსონი.

კალათბურთის ქართველი გულშემატკივრებისათვის, გიგიბერია აქამდეც იყო ცნობილი, მაგრამ, დღესდღეობით, ჩვენ ბიჭს მსოფლიოც ამჩნევს. საბა NCAA-ის (აშშ-ის კოლეჯების საკალათბურთო ლიგა) 5 გუნდის ინტერესთა სფეროში მოექცა: ილინოისი, ჯორჯი ტექ, TCU, USC, UNLV.

გამოცემა Rivals.com-მა ქართველი ახალგაზრდა უმაღლესი სკოლის ტოპ 20 საუკეთესო "მაღალს" შორის დაასახელა და მას ე.წ. 4 ვარსკვლავიანი ტალანტის სტატუსი მიანიჭა. ეს კი, საკმაოდ მაღალი შეფასებაა, რადგან სანდრო მამუკელაშვილი და გიორგი ბეჟანიშვილი, რომლებიც NCAA-ში ასპარეზობენ, 3 ვარსკვლავიან შეფასებას დასჯერდნენ.

ჯერ-ჯერობით, რთულია საბას დადებით და უარყოფით საკალათბურთო კრიტერიუმებზე ვისაუბროთ, თუმცა, ამ ბიჭს რაც გამოარჩევს, ესაა მოხსნის უნარი. გიგიბერიამ, NBA-ს "კემპზე" 6 თამაშში 48 მოხსნა მიითვალა, ეს ნიშნავს, საშუალოდ,  8 მოხსნას, რაც არასრულწლოვანი კალათბურთელისათვის შესნიშნავი შედეგია. ასევე, ძალიან კარგი მსროლელია ქართველი ტალანტი და საკმაოდ დიდი პერსპექტივა აქვს.

Croco.ge წარმატებას უსურვებს საბა გიგიბერიას.