საქართველოს მორაგბეთა ეროვნული ნაკრები რაგბი ევროპის ჩემპიონატის პირველ მატჩს რუმინეთის წინააღმდეგ მართავს.

ანგარიში მერვე წუთზე მასპინძელმა რუმინეთმა საჯარიმო დარტყმით გახსნა და ანგარიშით 3:0 დაწინაურდა.

ანგარიშის გათანაბრების შანსი საქართველოს ნაკრებს მეჩვიდმეტე წუთზე ჰქონდა, თუმცა თედო აბჟანდაძემ ჯარიმა ვერ გაიტანა - 3:0.

27-ე წუთზე ვლაიკუმ მორიგი ჯარიმა გაზარდა და რუმინეთი ექვსქულიანი უპირატესობით დააწინაურა - 6:0.

პირველი ტაიმის ბოლო ათი წუთის განმავლობაში ქართველ მორაგბეებს რუმინეთის ხუთმეტრიანში ხანგრძლივი შეტევა ჰქონდათ. რუმინელები შერკინებაში რამდენჯერმე დააჯარიმეს, თუმცა საბოლოოდ საბოლოოდ ბორჯღალოსნებმა დაუშვეს შეცდომა და რუმინელებს თავისუფალი დარტყმისა და საკუთარი ხუთმეტრიანიდან გამოსვლის საშუალება მიიღეს.

39-ე წუთზე თედო აბჟანდაძემ მეორე ჯარიმა ზუსტად გარდასახა და სხვაობა შეამცირა - 6:3.

ტაიმის მიწურულს ქართველ მორაგბეებს ლელოს დადების შესანიშნავი შანსი ჰქონდათ. თუმცა საბოლოო ფაზაზე ბორჯღალოსნებმა კვლავ შეცდომა დაუშვეს, ვლაიკუმ კი ბურთი აუტში გადაიტანა და მატჩი რუმინელთა გამარჯვებით, ანგარიშით 6:3 დასრულდა.

პირველი ტაიმის შემდეგ საქართველოს ნაკრები რუმინეთთან მარცხდება

ასევე იხილეთ

უახლესი ამბები