ჩოგბურთი / WTA /
"უიმბლდონის ზღაპრის" შემდეგ 15 წლის გაუფის ისტორია გრძელდება
07/29/2019 15:21
491

უიმბლდონზე საკვალიფიკაციო ეტაპის დაძლევისა და ვენუს უილიამსის დამარცხების შემდეგ, 15 წლის ამერიკელი ჩოგბურთელი, კორი გაუფი, ნამდვილი აღმოჩენა გახდა.

15 წლის კოკომ ყველაზე პრესტიჟულ გრანდ სლემზე, უიმბლდონზე, ტურნირის ხუთგზის ჩემპიონი, ვენუს უილიამსი დაამარცხა და ყველას ყურადღება მიიპყრო.

უიმბლდონის შემდეგ თინეიჯერი ჩოგბურთელი მსოფლიო რეიტინგში საგრძნობლად დაწინაურდა.

ახლა კი კოკო სამშობლოში, ვაშინგტონის ტურნირზე იასპარეზებს. Citi Open-ზე გაუფი კვლავაც საკვალიფიკაციო ეტაპზე იყო. მან ეს გამოწვევაც წარმატებით დასძლია, საკვალიფიკაციო ეტაპის ფინალში იაპონელ ჰიროკო კუვატა ანგარიშით 6:1; 6:2 დაამარცხა და ძირითად ბადეში იასპარეზებს.

კორი გაუფის პირველი მეტოქე ვაშინგტონის ღია ჩემპიონატზე კი ყაზახი ზარინა დიასი იქნება.

#Flashscore