ფეხბურთი / ლა ლიგა /
პიკეს კლუბი სეგუნდა B-ში ითამაშებს
07/29/2019 18:06
532

ფინანასური დავალიანების გამო, ესპანური რეუს დეპორტივო ქვეყნის რანგით მეოთხე ლიგაში დააქვეითეს, მესამე დივიზიონში დარჩენილი ვაკანტური ადგილი კი ესპანეთის ფეხბურთის ფედერაციამ აუქციონზე გაიტანა. 

თავისუფალი ადგილისთვის ბრძოლაში საფეხბურთო კლუბი ანდორა ჩაერთო, რომლის მფლობელი, ბარსელონას მცველი ჟერარ პიკეა. 

დღეს, 29 ივლისს, ესპანეთის ფეხბურთის ფედერაციამ ოფიციალურად დაადასტურა, რომ რეუს დეპორტივოს ადგილს სწორედ კატალონიური გრანდის ფეხბურთელის კლუბი დაიკავებს.

ამრიგად, პიკეს გუნდი რანგით მესამე დივიზიონში ისე აღზევდა, რომ მეოთხე ლიგაში არც კი უასპარეზია.