ფეხბურთი / ქართული ფეხბურთი /
რუბინმა კვლავ მოიგო - დავითაშვილი საუკეთესოდ დაასახელეს
07/30/2019 12:58
384

რუსეთის პრემიერ ლიგაში კიდევ ერთი გამარჯვება მოიპოვა ყაზანის რუბინმა, რომლის შემადგენლობაშიც სამი ქართველი, ბექა მიქელთაძე, ხვიჩა კვარაცხელია და ზურიკო დავითაშვილი თამაშობენ.

მატჩი რუბინის ძველ "ცენტრალურ" სტადიონზე ჩატარდა, რადგან ახალ არენაზე 22-27 აგვისტოს WorldSkills 2019 ტარდება და მას სწორედ ამისთვის ამზადებენ.

ხვიჩა და ზურიკო ძირითად შემადგენლობაში იყვნენ, ეს უკანასკნელი საერთოდ მატჩის საუკეთესო მოთამაშედ აღიარეს. ისინი მთელი მატჩის მანძილზე ძალიან აქტიურები იყვნენ და 2-2 მომენტი ჰქონდათ, თუმცა მათ ოთხივეჯერ მეტოქის მეკარე გოროდოვმა აჯობა.

დავითაშვილმა შეუცვლელად ითამაშა, კვარაცხელია 90+3-ე წუთზე ბექა მიქელთაძემ შეცვალა, "რუბინში" ახლახან გადასული ნიკოლაი ყიფიანი კი, სათადარიგო იყო.

ყაზანური კლუბი 7 ქულით მეორე ადგილზეა და მომდევნო შეხვედრას 4 აგვისტოს მოსკოვის ცსკა-სთან გამართავს.