ფეხბურთი / მსოფლიო ფეხბურთი /
კვარაცხელია, სალიბა, ოლმო - უეფამ ტოპ 50 ტალანტი დაასახელა
07/30/2019 19:09
568

იუნუს აკგიუნი (თურქეთი, 19 - გალათასარაი)

თურქული ფეხბურთის ამომავალი ვარსკვლავი, რომელსაც ძალიან კარგი მოედნის ხედვა და ბურთთან პირველი შეხება აქვს. ის ზამთარში კინაღამ ბრიუსელის ანდერლეხტში აღმოჩნდა, მისით ასევე ლაციო ინტერესდება.

ბენუა ბადიაშილი (საფრანგეთი, 18 - მონაკო)

ცენტრალური მცველი, რომელიც მანჩესტერ იუნაიტედის რადარზეა - ის მონაკოს გოლკიპერის ლოიკ ბადიაშილის უმცროსი ძმაა.

იოსიპ ბრეკალო (ხორვატია, 21 - ვოლფსბურგი)

სწრაფი მარცხენა ვინგერი "მკვლელი" დარტყმით, ბრეკალოს ახალგაზრდულ გუნდებში რეგულარულად გაჰქონდა, იმედოვნებენ რომ ასეც გააგრძელებს.

რიან ბრიუსტერი (ინგლისი, 19 - ლივერპული)

იურგენ კლოპმა თქვა: "რიან ბრიუსტერი არის ტოპ თავდამსხმელი; ის ტოპ ტალანტია და მე მას ამას ყოველთვის ვეუბნები, წელს მას გუნდში მნიშვნელოვანი როლი ექნება."

სამუელ ჩუკვუეზე (ნიგერია, 20 - ვილიარეალი)

ნიჭიერი ვინგერი ევროპა ლიგაზე თამაშის გამოცდილებით; ნიგერიის 2017/18 წლების საუკეთესო ახალგაზრდა ფეხბურთელი.

კევინ დანსო (ავსტრია, 20 - აუგსბურგი)

"ის არის დიდი და ჩამოყალიბებული მოთამაშე," განაცხადააუგსბურგის ყოფილმა მწვრთნელმა მანუელ ბაუმმა; ძლიერი ცენტრალური მცველი სანაკრებო გამოცდილებით.

ალფონსო დევისი (კანადა, 18 - ბაიერნი)

ის კანადაში განელი ემიგრანტების ოჯახში დაიბადა და გაიზარდა, უნიჭიერესი მოთამაშე, რომელიც ბაიერნმა ვანკუვერ ვაითკეპსიდან შეიძინა.

მუსა დიაბი (საფრანგეთი, 20 - ლევერკუზენი)

მან გერმანიაში გადაბარგებით სწორი გადაწყვეტილება მიიღო, რადგან პსჟ-ში საკმარის სათამაშო დროს ვერ მიიღებდა.

დენის დრაგუსი (რუმინეთი, 20 - ვიტორული)

ის რუმინელი ლეგენდის გეორგე ჰაჯის პროტეჟეა, სამწუხაროდ U21-ის ფინალი ტრავმის გამო გამოტოვა.

კარელ იტინგი (ჰოლანდია, 21 - აიაქსი)

მას ფრენკი დე იონგის წასვლის შემდეგ მეტი შანსი უნდა მიეცეს. ჰოლანდიური ფეხბურთის ახალი თაობის ერთ-ერთი იმედის მომცემი მოთამაშე, არაორდინალური სტილით და მოედნის ხედვის უნარით.

იურგენ ეკელენკამპი (ჰოლანდია, 19 - აიაქსი)

კიდევ ერთი ნიჭიერი ჰოლანდიელი, რომლისთვისაც მომდევნო წელი აიაქსის შემადგენლობაში თავის წარმოჩენის შესაძლებლობა უნდა იყოს.

ელიფ ელმასი (მაკედონია, 19 - ნაპოლი)

ჩრდილოეთ მაკედონიაში დაბადებული თურქული წარმოშობის ახალგაზრდა ტალანტი. ის ნაპოლის ფენერბახჩედან შეუერთდა და გუნდში დამკვიდრებას ეცდება.

ფაბიო სილვა (პორტუგალია, 17 - პორტო)

ფაბიო სილვამ გასულ ახალგაზრდულ ჩემპიონთა ლიგაზე გაიბრწყინა, გოლის გატანა ნახევარფინალში მოახერა.

ჟედსონ ფერნანდესი (პორტუგალია, 20 - ბენფიკა)

ბენფიკას ამომავალი ვარსკვლავი, რომელსაც თამაშის სტილით ფრანგ პოლ პოგბას ადარებენ.

იანის ჰაჯი (რუმინეთი, 20 - გენკი)

ზემოთ ნახსენები რუმინული ფეხბურთის ლეგენდის, გეორგე ჰაჯის შვილი, რომელიც ვიტორულიდან გენკში გადავიდა და მომავალ ჩემპიონთა ლიგაზეც იასპარეზებს.

ამადუ ჰაიდარა (მალი, 21 - ლაიპციგი)

ელეგანტური ნახევარმცველი, რომლის იდეალი სტივენ ჯერარდია და ბავშვობიდან მის მიბაძვას ცდილობს. მან მუხლის სერიოზული ტრავმა გადაიტანა.

ერლინგ ბრაუტ ჰალანდი (ნორვეგია, 19 - ზალცბურგი)

ის ნორვეგიის ნაკრების ყოფილი ნახევარმცველის აიფ ინგე ჰალანდის ვაჟია, ტანმაღალმა ფორვარდმა ფიფა U-20 მსოფლიო ჩემპიონატზე ჰონდურასს 9 (!) გოლი გაუტანა.

ადამ ჰლოზეკი (ჩეხეთი, 17 - სპარტა პრაღა)

ის ჩეხური ლიგის ყველაზე ახალგაზრდა გოლის გამტანი ფეხბურთელია, ის ისეთი კლუბების ინტერესის სფეროშია, როგორებიც მანჩესტერ სიტი და ბაიერნი არიან.

მეჰამედ იჰატარენი (ნიდერლანდერბი, 17 - პსვ)

მას მესუტ იოზილს ადარებენ, ჰოლანდიის 19 წლამდე ნაკრების ლიდერს ერედივიზიონში დებიუტი იანვარში ჰქონდა.

იოვანე კაბრალი (კაბო ვერდე, 21 - სპორტინგი)

სპორტინგში და კაბო ვერდეს ნაკრებში რეგულარულად თამაშობს, საკმაოდ საინტერესო და ნიჭიერი ფეხბურთელია.

დეიან იოველიჩი (სერბეთი, 19 - ფრანქფურტი)

სწრაფი, ბრწყინვალე გოლის ალღოს მქონე. იოველიჩი გუნდმა ცრვენა ზვეზდადან მისივე თანამემამულე ლუკა იოვიჩის შემცვლელად მოიყვანეს.

ოზან კაბაკი (თურქეთი, 19 - შალკე)

ცენტრალური მცველი, რომელიც გალათასარაის ამომავალ ვარსკვლავად ითვლებოდა. თუმცა ის 12 მილიონ ევროდ შტუტარტმა შეიძინა, ხოლო ივნისში შალკეში გადავიდა.

იბრაჰიმა კონატე (საფრანგეთი, 20 - ლაიპციგი)

ბუნდესლიგაში გატარებული 2 სეზონის შემდეგ, კონატემ თავისი კლასი U21-ის განვლილ მსოფლიო ჩემპიონატზე აჩვენა.

ალექს კრალი (ჩეხეთი, 21 - პრაღის სლავია)

მაღალი კლასის საყრდენი ნახევარმცველი, რომელმაც ევროპა ლიგის მეოთხედფინალში ჩელსის წინააღმდეგ ითამაშა. ის ვარცხნილობით ძალიან ჰგავს ბრაზილიელ დავიდ ლუიზს.

ხვიჩა კვარაცხელია (საქართველო, 18 - რუბინი)

პირველი 21-ე საუკუნეში დაბადებული მოთამაშე, რომელმაც რუსეთის პრემიერ ლიგაში ითამაშა. მიმდინარე წელს ყაზანის რუბინში ატარებს და მეტი სათამაშო დროიდან გამომდინარე თავის გამოჩენის იდეალური შანსი ეძლევა.

იაკობ ბრუუნ ლარსენი (დანია, 20 - დორტმუნდი)

სწრაფი ფორვარდი, რომელიც მარკო როისისგან ძალიან ბევრს სწავლობს. ის გასულ სეზონში დორტმუნდისა და დანიის ნაკრების ძირითად შემადგენლობებში მოხვდა.

რენან ლოდი (ბრაზილია, 21 - ატლეტიკო)

ატლეტიკოს ახალი შენაძენი, შემტევი ტიპის ბრაზილიელი მარცხენა მცველი, რომელმაც თანამემამულე ფილიპე ლუისი უნდა შეცვალოს, მას ამის პოტენციალი ნამდვილად აქვს.

შონ ლონგსტაფი (ინგლისი, 21 - ნიუკასლი)

ახალგაზრდული ენერგია, პასის კულტურა და მოედნის ხედვა, ეს ყველაფერი ამ ახალგაზრდა ტალანტშია კომბინირებული. მისი შეძენით მანჩესტერ იუნაიტედი ინტერესდება, თუმცა ნიუკასლს ფეხბურთელის გაყიდვა არ სურს.

არნე მაიერი (გერმანია, 20 - ჰერტა)

ჰერტას აღზრდილი, რომლის როლიც გუნდში ნელ-ნელა უფრო იზრდება და ის ლიდერის ფუნქციებს ითავსებს.

დონიელ მალენი (ჰოლანდია, 20 - პსვ)

პსვ-ს ახალი ცხრიანი, რომელმაც გუნდიდან წასული ლუუკ დე იონგი უნდა შეცვალოს.

ივან ობლიაკოვი (რუსეთი, 21 - ცსკა)

უნივერსალი ნახევარმცველი, რომელიც რუსული ფეხბურთის ერთ-ერთი გამორჩეული ტალანტია.

დანი ოლმო (ესპანეთი, 21 - დინამო ზაგრები)

ნიჭიერი ესპანელი ფეხბურთელი, რომელმაც ბარსელონა 16 წლის ასაკში ბარსელონა დატოვა და ხორვატიაში სათამაშოდ წავიდა. ევრო U21-ის ფინალში გოლის გატანაც მოახერხა და შესანიშნავი შეფასებაც დაიმსახურა.

ანდრეას სკოვ ოლსენი (დანია, 19  - ბოლონია)

2018/19 წლების სეზონში ახალგაზრდა ფორვარდმა 30 გოლი გაიტანა. ის ბოლონიაში ცოტა ხნის წინ ნორსიერლანდიდან შეუერთდა.

სტრაჰინია პავლოვიჩი (სერბეთი, 18 - პარტიზანი)

იუვენტუსი უკვე აკვირდება ამ ძლიერ და ტანმაღალ ცენტრალურ მცველს, რომელმაც პარტიზანის პირველ გუნდში მხოლოდ 6 თვე გაატარა - მათ შორის ორ ბელგრადულ დერბიში მიიღო მონაწილეობა.

ლუკა პელეგრინი (იტალია, 20 - იუვენტუსი)

იტალიური ფეხბურთის ერთ-ერთი გამორჩეული მოთამაშე, რომელმაც გასული სეზონი იჯარის წესით კალიარიში გაატანა, ტურინულ იუვენტუსში რომადან 22 მილიონი ევროს სანაცვლოდ გადავიდა.

დენის პოპოვი (უკრაინა, 20 - დინამო კიევი)

მსოფლიოს U20 ჩემპიონატზე თავი უმაღლეს დონეზე წარმოაჩინა, ამ ცენტრალურმა მცველმა სამი გოლის გატანა მოახერხა.

რიკი პუჩი (ესპანეთი, 19 - ბარსელონა)

მას ლეგენდარულ ანდრეს ინიესტას ადარებენ. მას დებიუტი გასულ სეზონში ჰქონდა და მიმდინარე წელს მისგან ბევრად მეტს ელიან.

მარკო რიტერი (გერმანია, 21 - აუგსბურგი)

სწრაფი ფორვარდი, რომელიც ტიმო ვერნერს ჩამოგავს და გერმანული ფეხბურთის ამომავალ ვარსკვლავად ითვლება.

როდრიგო (ბრაზილია, 18 - მადრიდის რეალი)

ვინისიუს ჟუნიორის მსგავსად როდრიგოზეც ძალიან დიდი ავანსებია გაცემული, მასში მადრიდის რეალმა 45 მილიონი ევრო გადაიხადა.

რომარო ბარო (პორტუგალია, 19 - პორტო)

ფენომელალური შემდევი ნახევარმცველი, სწრაფი ფეხებით და შესანიშნავი პასით. შესანიშნავად ასრულებს საჯარიმოებს.

მატვეი საფონოვი (რუსეთი, 20 - კრასნოდარი)

ახალი იგორ აკინფეევი? ამ კითხვას რუსულ მედიაში ძალიან ხშირად სვამენ.

ვილიამ სალიბა (საფრანგეთი, 18 - არსენალი)

არსენალის შესანიშნავი შენაძენი, ასე შეაფასა მსოფლიო მედიამ ეს ტრანსფერი. ლონდონელებისთვის ცუდი ის არის, რომ ის ერთი წლით კვლავ საფრანგეთში რჩება. თამაშის სტილით ძალიან ჰგავს ვირჯილ ვან დაიკს.

ისმაილა სარი (სენეგალი, 21 - რენი)

მისი გოლი ჩეხური იაბლონეცის კარში ევროპა ლიგის წლის საუკეთესოდ დასახელდა. ლიგა 1-ის ერთ-ერთი გამორჩეული ტალანტი.

ქსავერ შლაგერი (ავსტრია, 21 - ვოლფსბურგი)

ქერა ცენტრალური ნახევარმცველი, რომელმაც გასული სეზონი ზალცბურგის შემადგენლობაში შესანიშნავად ჩაატარა და ბუნდესლიგის კლუბის ყურადღებაც დაიმსახურა.

ტიაგო დანტასი (პორტუგალია, 18 - ბენფიკა)

კრეატიული ნახევარმცველი, რომელმაც მთავარ გუნდში გადაყვანისას თქვა; "ოცნებები ხდება".

სანდრო ტონალი (იტალია, 19 - ბრეშია)

კიდევ ერთი "ახალი პირლო", რომელიც ბრეშიას სერია B-დან ამოსვლაში დაეხმარა და წლის საუკეთესო ფეხბურთელიც გახდა.

ფერან ტორესი (ესპანეთი, 19 - ვალენსია)

21-ე საუკუნეში დაბადებული მეორე ფეხბურთელი (ვინისიუსის შემდეგ), ვინც ლა ლიგაში გოლის გატანა მოახერხა.

გიორგი წიტაიშვილი (უკრაინა, 18 - დინამო კიევი)

დიდი ტალანტის მქონე ვინგერი, რომელმაც U20-ის მსოფლიო ჩემპიონატზე სამხრეთ კორეასთან ფანტასტიკური გოლი გაიტანა.

ნიკოლა ვლაშიჩი (ხორვატია, 21 - ცსკა)

ეს შემტევი ნახევარმცველი ფეხბურთელად რუსეთში ჩამოყალიბდა და ძალიან იმედისმომცემ მოთამაშედ ითვლება.

გიუვენ იალჩინი (თურქეთი, 20 - ბეშიქთაში)

ძლიერი ფორვარდი, რომელსაც გოლის გატანის შესანიშნავი ალღო აქვს. მას თურქეთის ნაკრებში დებიუტი უკვე ჰქონდა.