ფეხბურთი / მსოფლიო ფეხბურთი /
კონმებოლმა მესის განაჩენი გამოუტანა
08/03/2019 11:43
248

ლიონელ მესის კოპა ამერიკის მიმდინარეობისას გაკეთებული მსაჯებთან დაკავშირებული კომენტარების გამო სამხრეთ ამერიკული ფეხბურთის მმართველმა ორგანომ დასაჯა.

შეგახსენებთ, რომ ბარსელონას კაპიტანმა კონმებოლი არაერთხელ გააკრიტიკა და აწ უკვე განვლილ კოპა ამერიკას ბრაზილიის ნაკრების სასარგებლოდ მოწყობილი კორუფცია უწოდა.

რაც შეეხება უშუალოდ სასჯელს, კონმებოლის გადაწყვეტილებით "ბლაუგრანას" ათიანი არგენტინის ნაკრებს სამი თვის განმავლობაში ვერ დაეხმარება და გარდა ამისა მას ჯარიმის სახით 50000 დოლარის გადახდაც დაეკისრა. 

ლიონელ მესი ჩილესთან, მექსიკასთან და გერმანიასთან გასამართ ამხანაგურ მატჩებს გამოტოვებს. ამას ემატება, ჩილეს ნაკრებთან მიღებული წითელი ბარათი, რომლის გამოც მას მსოფლიო ჩემპიონატის საკვალიფიკაციო ეტაპის ერთი მატჩის გამოტოვებაც მოუწევს.