ფეხბურთი / ლა ლიგა /
სიმეონე: "ატლეტიკოს და ბარსელონას თავისი სტილი აქვთ, რეალს - არა"
08/04/2019 17:34
274

მადრიდის ატლეტიკოს მთავარმა მწვრთნელმა, დიეგო სიმეონემ ისაუბრა იმაზე, თუ რას უნდა მიაქციონ მწრთნელებმა ყურადღება, როდესაც ახალ კლუბში იწყებენ მუშაობას.

"იმ მომენტიდან, როცა გუნდის მთავარი მწვრთნელის პოზიციას თანხმდებით, ყველაზე ლოგიკური, ისტორიის შესწავლაა. შემდეგ კი შენი სტილის კლუბის ისტორიაზე მორგება და საკუთარ თავთან დარჩენაა.

აიაქსს თავისი სკოლა, საკუთარი სტილი აქვს, ისევე, როგორც იუვენტუსს, ბარსელონასა და ატლეტიკოს. რეალს კი არ აქვს. მადრიდული კლუბის სათამაშო სტილი ფეხბურთელების მიხედვით იცვლება.

გაჩნდა ასევე გუარდიოლას მანჩესტერ სიტი, რომელსაც ისტორია და სტილი არ ჰქონდა, თუმცა იმ გზით მიდის, რომელსაც პეპი უჩვენებს. შესაძლოა, ათი წლის შემდეგ ვთქვათ, რომ სიტი კონკრეტული სტილით თამაშობს. ამას მას შემდეგ ვნახავთ, რაც გუარდიოლას შემდეგ ვიღაც ახალი მოვა.

მაგრამ, რა თქმა უნდა, ძალიან მნიშვნელოვანია, რომ კლუბის ისტორიას ყურადღება მივაქციოთ. გულშემატკივრები უნდა ხედავდნენ იმას, რაც მათთვის ნაცნობია, ფეხბურთელებისთვის კი კლუბის მოთხოვნები უფრო მარტივი გასაგები იქნება, როდესაც მას ჩამოყალიბებული ისტორია ექნება", - განაცხადა სიმეონემ.

#Flashscore