ფეხბურთი / ლიგა 1 /
როდრიგესი ფრანგულ კლუბს სურს
08/05/2019 14:25
177

ხამეს როდრიგესის შესაძლო წასვლასთან დაკავშირებული ინფორმაციის გავრცელების შემდეგ, მისი გადაბირების მსურველთა სია უფრო გაიზარდა. სამხრეთამერიკელის შეძენით ფრანგული კლუბი დაინტერესდა. 

Corriere dello Sport-ის ცნობით, მარსელის სპორტულ დირექტორს, ანდონი სუბისარეტას, კოლუმბიის ნაკრების კაპიტნის დამატება სურს, რომლის მომავალიც გაურკვეველია.

თავდაპირველად, მადრიდელები ხამესის გაყიდვას გეგმავდნენ, მაგრამ მარკო ასენსიოს მძიმე ტრავმის გამო, კლუბში მისი დარჩენა უნდათ. ამის მიუხედავად, თუ მარსელი და ფეხბურთელის აგენტი შეთანხმებას მიაღწევენ, რეალი ტრანსფერს ხელს არ შეუშლის. 

ამჟამად, კოლუმბიელის ფასი 40 მილიონ ევრომდე მერყეობს და იმის გათვალისწინებით, რომ კონტრაქტის ვადა 2 წელში ეწურება, მადრიდელები მის გაყიდვას, ანდაც განათხოვრების წესით გაშვებას არ მოერიდებიან.