სხვა / სხვა /
22 წლის ველომრბოლელი პოლონეთის ტურზე შეჯახების შედეგად გარდაიცვალა
08/05/2019 23:02
277

პოლონეთის ველოტურზე დიდი ტრაგედია დატრიალდა.

პოლონეთის ტურის მესამე ეტაპზე ბეტონის ბოძზე შეჯახების შემდეგ, 22 წლის ველომრბოლელი, ბორგ ლამბრეხტი საავადმყოფოში გადაიყვანეს, თუმცა ექიმებმა მისი გადარჩენა ვეღარ შეძლეს. ბელგიელი ველომრბოლელი საოპერაციო მაგიდაზე გარდაიცვალა.

აღნიშნული ინფორმაცია, ბრეხტის გუნდმა, Lotto-Soudal-მა სოციალური ქსელის მეშვეობით დაადასტურა.

"უდიდესი ტრაგედია, რაც კი შეიძლებოდა მომხდარიყო ბორგის ოჯახის წევრების, მეგობრებისა და გუნდის თავს, მოხდა... მშვიდად განისვენე ბორგ", - ნათქვამია განცხადებაში.

22 წლის ბელგიელი ველომრბოლელი ბოლო პერიოდში ველოტურებზე შესანიშნავად ასპარეზობდა და ერთ-ერთ ყველაზე იმედისმომცემ ველომრბოლელად ითვლებოდა.