ფეხბურთი / ლა ლიგა /
ატლეტიკომ სამხილი მოიპოვა და ბარსელონას სასამართლოში უჩივლებს
08/05/2019 23:38
297

ავტორიტეტული გამოცემა El Mundo-ს ინფორმაციით, მადრიდის ატლეტიკო მზადაა ანტუან გრიზმანის ბარსელონაში ტრანსფერთან დაკავშირებით დარღვევის დასამტკიცებლად.

წყაროს ინფორმაციით, "ათლეტებს" ელექტრონული წერილი აქვთ, რომელშიც გრიზმანის ადვოკატი სევან კარიანო თავად ფეხბურთელს და მის დას წერს, ის კი ამა წლის მარტით თარიღდება. აღსანიშნავია, რომ წერილში ფეხბურთელის ბარსელონაში ტრანსფერია განხილული და ახსნილია ამ ყველაფრის საკომისიო რამდენი იქნება.

12 ივლისს ბარსელონამ გრიზმანის შეძენა დაადასტურა, ტრანსფერის ღირებულებამ კი 120 მილიონი ევრო შეადგინა. თუ ატლეტიკოს სარჩელი დაკმაყოფილდა კატალონიელებს კიდევ 80 მილიონის დამატება მოუწევთ, რადგან სწორედ ამდენს შეადგენდა იმ დროისთვის ფეხბურთელის გამოსასყიდი თანხა.

ადრე გავრცელებული ინფორმაციით, მადრიდელები კუთვნილი (ყოველ შემთხვევაში მათი აზრით) 80 მილიონის მიღებას სასამართლოს გზით აპირებდნენ, როგორც ჩანს ეს სიმართლეა და უახლოეს მომავალში საინტერესო ამბებს უნდა ველოდოთ.