ფეხბურთი / მსოფლიო ფეხბურთი /
დიეგო ფორლანმა საფეხბურთო კარიერა დაასრულა
08/07/2019 12:21
208

ურუგვაის ნაკრების ყოფილმა თავდამსხმელმა დიეგო ფორლანმა საფეხბურთო კარიერის დასრულების შესახებ ოფიციალური განცხადება გააკეთა. ფორლანი ბოლოს ჰონგ კონგის კიტჩიში თამაშობდა.

ფორლანმა საფეხბურთო კარიერა არგენტინულ ინდეპენდიენტეში დაიწყო. ევროპაში კი მან ვილიარეალის, ატლეტიკოს, ინტერისა და მანჩესტერ იუნაიტედის შემადგენლობაში ითამაშა. "წითელ ეშმაკებთან" ერთად მან პრემიერ ლიგისა და ასოციაციის თასების მოგება მოახერხა. "ატლეტიკოში" ფორლანმა ევროპა ლიგისა და უეფას სუპერთასები მოიგო.

დიეგო ფორლანმა საკლუბო დონეზე 693 მატჩი ჩაატარა და 273 გოლის გატანა მოახერხა.

რაც შეეხება მის სანაკრებო კარიერას, ურუგვაის ნაკრების მაისურით გამართულ 105 მატჩში, მის ანგარიშზე 34 გოლია. ურუგვაის ნაკრებმა 2010 წელს, მსოფლიოს ჩემპიონატზე მეოთხე ადგილი დაიკავა და დიეგო ფორლანი ტურნირის საუკეთესო ბომბარდირი და მოთამაშე გახდა.

#Flashscore