ჩოგბურთი / ATP /
ენდი მარი ერთეულთა თანრიგშიც ბრუნდება
08/09/2019 23:29
240

ბრიტანელმა ჩოგბურთელმა, ენდი მარიმ გულშემატკივრებს სოციალური ქსელის მეშვეობით სასიხარულო ინფორმაცია აცნობა.

მენჯ-ბარძაყის მძიმე ოპერაციის შემდეგ, მარი ერთეულთა თანრიგში პირველად ამერიკის შეერთებულ შტატებში ითამაშებს.

32 წლის ბრიტანელი ჩოგბურთელი ერთეულთა თანრიგში ათთვიანი პაუზის შემდეგ ცინცინატის მასტერსში მიიღებს მონაწილეობას. ტურინირზე მარი უაილდ ქარდით დაჯილდოვდა, რაც იმას ნიშნავს, რომ იგი ძირითად ბადეში იასპარეზებს.

აღსანიშნავია, რომ ოპერაციის შემდეგ მარი კორტს ივნისში, წყვილთა თანრიგში დაუბრუნდა და ფელიციანო ლოპესთან ერთად პირველივე ტურნირის, Queen's Club-ის მოგება შეძლო.

ცნობისთვის, ცინცინატის მასტერსზე მონაწილეობას მსოფლიოს რეიტინგის სამეულიც მიიღებს. რაფა ნადალი მონრეალიდან სწორედ აშშ-ში გადაინაცვლებს, ხოლო როჯერ ფედერერი და ნოვაკ ჯოკოვიჩი უიმბლდონის ფინალის შემდეგ პირველად ცინცინატში იასპარეზებენ.

#Flashscore