კალათბურთი / NBA /
გუნდი, რომლისგანაც სიურპრიზებს უნდა ველოდოთ
08/10/2019 15:28
162

გარკვეული პერიოდის წარუმატებლობის შემდეგ, მაიამი ჰიტმა, განსაკუთრებულად, კარგი და დაბალანსებული გუნდი გააზრებული ტრანსფერებით ჩამოაყალიბა. შედეგად, ძალიან საინტერესო შემადგენლობად ჩამოყალიბდა ფლორიდული კლუბი, რომლის შესახებ განხილვა აუცილებლად ღირს.

PG - ჯასტის ვინსლოუ/გორან დრაგიჩი

SG - ტაილერ ჰიროუ/დიონ ვეიტერსი

SF  - ჯიმი ბატლერი

PF  - კელი ოლინიკი/ჯეიმს ჯონსონი

C    - ბამ ადებაიო/მეიერს ლეონარდი

თუმცა, პრაქტიკაში, ეს გუნდი, წესით, ასეთი იქნება (ციფრები ნიშნავს წუთებს მოედანზე):

 

PG - ბატლერი38---დრაგიჩი10

SG - ჰიროუ30---------ვეიტერსი18

SF  - ვინსლოუ33----დრაგიჩი10----ვეიტერსი5

PF  - ადებაიო36-----ჯონსონი12

C    - ოლინიკი32-----ლეონარდი16

 

განვიხილოთ, როგორი სტილი შეუძლია, შემოგვთავაზოს ამ ხალხმა:

1 - რეალურად, ჯიმი ბატლერი აქ, თავისუფალი აგენტების ბაზრიდან, სწორედ, ლიდერობისთვის და ბურთის ფლობისთვის მოვიდა, შესბამისად, მოედანზე ის, ზუსტად, გამთამაშებელი იქნება.

2 - ძირითადი ხუთეულიდან, 2 შესანიშნავი მსროლელია პერიმეტრიდან (ჰიროუ, ოლინიკი), 2 - ნორმალური მსროლელი (ბატლერი, ვინსლოუ) და ერთი - არც ისე კარგი (ადებაიო).

3 - სათადარიგოთა სკამდან კი, თითოეულს შეუძლია, სიტუაცია მკვეთრად გაამწვავოს. მათგან 2 (დრაგიჩი, ვეიტერსი) კი, გასულ სეზონში ჰიტის სტარტერებად გვევლინებოდა.

4 - საოცრად ჰარმონიული გამოდის წინახაზის შეთამაშება. ოლინიკიც და ლეონარდის პერიმეტრიდან სროლებზე იქნებიან ორიენტირებულნი, ადებაიო კი - შავ სამუშაოზე (დაცვა, მოხსნა). 12 წუთისთვის ჯონსონის გამოცდილებაც მშვენივრად გამოადგება გუნდს.

5 - რა ესაქმებათ 3 ნომერზე დრაგიჩს და ვეიტერსს? - არაფერი, ისინი ამ პოზიციაზე არც დადგებიან. მათი ეს წუთები გამთამაშებლად ასპარეზობას ნიშნავს. ბუნებრივია, ეს ყველაფერი, ჯიმი ბატლერის, დროებით, მსუბუქი ფორვარდის პოზიციაზე გადმოწევას ნიშნავს.

6 - თითქოს, პრობლემას ქმნის ის ფაქტი, რომ ვეიტერსის 2 ნომერზე შემოსვლა მაიამელთა ხსენებულ სტრატეგიას არევს იქიდან გამომდინარე, რომ უბურთოდ მოძრავ ჰიროუს შეცვლის ხოლმე ისეთი მსროლელი, რომელსაც დრიბლინგი უყვარს. რეალურად, ეს პრობლემა მოგვარებადია, რადგან ვინსლოუს შეუძლია უბურთოდ მოქმედება და, მომენტებში - თავზე შავი სამუშაოს აღებაც.

7 - ამ ყველაფერს სჭირდება კარგი სპეციალისტი და, საბედნიეროდ, ფლორიდელებს ასეთი ჰყავთ - ერიკ სპოელსტრა.

 ფაქტია, მაიამი ჰიტი NBA-ში იქნება, ერთგვარი, "ანდერგრაუნდის" ტიპის გუნდების წარმომადგენელი, რომელიც, წესით, უდიდეს სიურპრიზებს შემოგვთავაზებს ახალი სეზონიდან.