ჩოგბურთი / ATP /
მონრეალის მასტერსი: ნადალი ტიტულის დასაცავად ფინალში ითამაშებს
08/11/2019 17:00
154

12 აგვისტოს, თბილისის დროით 00:00 საათზე კანადაში, მონრეალის მასტერსის ფინალში, მოქმედი ჩემპიონი, რაფაელ ნადალი ტიტულის დასაცავად ფინალში ითამაშებს.

მსოფლიოს მეორე ჩოგანი ფინალურ შეხვედრაში სუპერფორმაში მყოფ დანილ მედვედევს დაუპირისპირდება.

ნადალი მონრეალის მასტერსის ფინალამდე მარტივად მივიდა. ესპანელმა ჩოგბურთელმა სამი შეხვედრის განამვლობაში მხოლოდ ერთი სეტი წააგო, ნახევარფინალში კი ტრავმის გამო გაელ მონფილსი არ გამოუცხადდა და ფინალშიც უბრძოლველად გავიდა.

23 წლის რუს ჩოგბურთელს კი შესანიშნავი ტურნირი გამოუვიდა. მეორე წრეში მან ბრიტანელ კაილ ედმუნდს სძლია, მეოთხედფინალში კი ტურნირის კიდევ ერთი ფავორიტი, დომინიკ ტიმი, ორ სეტში, ანგარიშით 6:3; 6:1 დაამარცხა. ნახევარფინალში მედვედევი თანამემამულე კარენ ხაჩანოვს დაუპირისპირდა და მასაც ორ სეტში 6:1; 7:6(8:7) აჯობა.

აღსანიშნავია, რომ ნადალი და მედვედევი ერთმანეთს აქამდე არასდროს დაპირისპირებიან.

შეგახსენებთ, რომ საქართველოს პირველი ჩოგანი, ნიკოლოზ ბასილაშვილი მონრეალის მასტერსის მერვედფინალში ალექსანდრ ზვერევთან უმძიმეს ბრძოლაში დამარცხდა. ახლა ქართველი ჩოგბურთელი ცინცინატის მასტერსისთვის ემზადება, სადაც მეთხუთმეტე ნომრადაა განთესილი.