ფეხბურთი / პრემიერლიგა /
ფრენკ ლამპარდი: "ანგარიში მატჩის სურათს არ ასახავს"
08/11/2019 22:33
788

ჩელსის მთავარმა მწვრთნელმა ფრენკ ლამპარდმა, სადებიუტო მატჩში მანჩესტერ იუნაიტედთან სტუმრად განცდილი მარცხის შემდეგ, კომენტარი გააკეთა. ინგლისელი სპეციალისტის თქმით, მის გუნდს პირველ ტაიმში არ გაუმართლა. ლამპარდი თვლის, რომ "არისტოკრატებმა" მატჩის პირველ ნახევარში მეტოქე დაჯაბნეს და შესვენებაზეც სასურველი ანგარიშით უნდა გასულიყვნენ:

"4-0 მატჩის სურათს ზუსტად არ ასახავს. ამ ანგარიშით მარცხს ნამდვილად არ ვიმსახურებდით. 

პირველი ტაიმის პირველ ნახევარში ჩვენ მეტოქეზე უკეთესად გამოვიყურებოდით. ვქმნიდით მომენტებს და მოწინააღმდეგე ძელმა გაშვებული გოლისაგან იხსნა.

ჩემმა გუნდმა ოთხი შეცდომა დაუშვა და ოთხივე გაშვებული გოლის ფასად დაუჯდა. მანჩესტერ იუნაიტედი კონტრშეტევაზე ორიენტირებული გუნდია. ისინი კარგად იყენებენ მეტოქის შეცდომებს და კონტრშეტევაზე სწრაფად გადადიან.

ჩვენი დანაკლისი საკმაოდ დიდია. გუნდს არაერთი ფეხბურთელი აკლია, რაც დღევანდელ მატჩზეც აისახა". - განაცხადა ფრენკ ლამპარდმა.

#Flashscore