ჩოგბურთი / ATP /
რაფა ნადალი ცინცინატის მასტერს გამოტოვებს
08/12/2019 19:07
154

ცინცინატის მასტერსის ოფიციალური ვებგვერდის ცნობით, ტურნირს მსოფლიო რეიტინგის მეორე ნომერი, რაფაელ ნადალი გამოაკლდება.

ესპანელი ჩოგბურთელი მონრეალის მასტერსის შემდეგ ცინცინატში დარეგისტრირდა, თუმცა მოგვიანებით მოეხსნა.

აღსანიშნავია, რომ გუშინ, 11 აგვისტოს რაფამ მონრეალის მასტერსზე რუს დანილ მედვედევს მარტივად, ორ სეტში 6:3; 6:0 მოუგო და ტურნირის გამარჯვებული ზედიზედ მეორედ გახდა. ესპანელმა ჩოგბურთელმა კარიერაში სარეკორდო, 35-ე მასტერსი მოიგო.

შეგახსენებთ, რომ ცინცინატის მასტერსზე საქართველოს პირველი ჩოგანი, ნიკოლოზ ბასილაშვილიც იასპარეზებს. ნიკა პირველ წრეში საკვალიფიკაციო ეტაპის გამარჯვებულს, რუს ანდრეი რუბლიოვს დაუპირისპირდება.