ფეხბურთი / პრემიერლიგა /
"მოხარული ვარ რომ დიბალას ტრანსფერი ჩაიშალა"
08/13/2019 11:33
300

მანჩესტერ იუნაიტედის ლეგენდარულმა ფეხბურთელმა რიო ფერდინანდმა, პაულო დიბალას "წითელ ეშმაკებში" ჩაშლილ ტრანსფერზე ისაუბრა. ფერდინანდის თქმით, ის ბედნიერია რომ გარიგება არ შედგა, რადგან არ სურს საყვარელ გუნდში ისეთი ფეხბურთელის ხილვა, რომელსაც მანჩესტერ იუნაიტედში თამაშს, სხვა კლუბში სათადარიგოთა სკამზე ჯდომა ურჩევნია:

"ბოლო წლებში ბევრმა ფეხბურთელმა თქვა მანჩესტერ იუნაიტედში თამაშზე უარი და სხვაგან გადავიდა. ხშირ შემთხვევაში მათი კარგად მესმოდა.

პაულო დიბალას გადაწყვეტილება კი ჩემთვის გაუგებარია. მას სათამაშო დრო სჭირდება, რაც იუვენტუსში არ აქვს.

ალბათ ის ფიქრობს, მე მსურს ვითამაშო გუნდში, რომელიც ჩემპიონთა ლიგაზე გამოდის, თუნდაც სათადარიგოთა სკამზე გამამწესონ. 

მიხარია, რომ დიბალა მანჩესტერ იუნაიტედში არ გადმოვიდა. მას არ გააჩნია ის ღირებულებები და თვისებები, რომელიც ამ გუნდის ფეხბურთელს უნდა ჰქონდეს". - განაცხადა რიო ფერდინანდმა.

#Flashscore