ქართული სპორტი / ქართული რაგბი /
"საქართველომ მსოფლიო თასზე უნდა დაამტკიცოს, რომ 6 ერში ადგილს იმსახურებს"
08/13/2019 15:08
209

ირლანდიური გამოცემა The Irish Time-ი 2019 წლის მსოფლიო თასის წინ მკითხველს ბორჯღალოსნებს აცნობს და ტურნირზე საქართველოს ნაკრების შანსებზე საუბრობს.

გთავაზობთ The Irish Time-ის სრულ სტატიას:

"ვინ არიან ისინი?

2019 წლის მსოფლიო თასი ბორჯღალოსნებისთვის შესანიშნავი შანსია, რათა დაამტკიცონ, რომ ექვს ერში ადგილს იმსახურებენ. მათ ბოლო ოთხ მსოფლიო ჩემპიონატზე ითამაშეს და ყოველ ჯერზე ვითარდებიან. ბოლოს კი 2015 წელს მათ ტონგასა და ნამიბიის ძლევით ორი გამარჯვება მოიპოვეს, ჯგუფში მესამე ადგილი დაიკავეს და 2019 წლის მსოფლიო თასის საგზური ავტომატურად მოიპოვეს. არსებობს იმის შეგრძნება, რომ საქართველო, ყოველ შემთხვევაში ევროპაში, ტიერ 1-ის გუნდების გარეთ საუკეთესოა. საქართველოს ნაკრებმა ბოლო 12 რაგბი ევროპის ჩემპიონატიდან 10-ჯერ მოიგეს. 

მსოფლიო რეიტინგში საქართველო ამჟამად ფიჯისა და იაპონიის ქვემოთ, მეთორმეტე ადგილს იკვებს, თუმცა ტონგას და განსაკუთრებით აღსანიშნავია - იტალიას უსწრებს. თუმცა, რთულია მათი განვითარება ვნახოთ, რადგან საქართველო ტიერ 1-ის გუნდებტან ტესტმატჩებს მოკლებულია. ბოლო 16 ტესტმატჩიდან საქართველოს ნაკრებმა ტიერ 1-ის გუნდთან მხოლოდ ერთი თამაში ჩაატარა და ისიც იტალიასთან მარცხი იყო.

მწვრთნელი

მილტონ ჰეიგი საქართველოს ეროვნული ნაკრების მთავარ მწვრთნელად 2011 წელს დაინიშნა და მისი თანამემამულე ვერნ კოტერი ჩაანაცვლა. შვიდ წელზე მეტი გავიდა და 55 წლის ზელანდელიელი კვლავაც საქართველოს ლიდერობს. ამ პერიოდში ჰეიგის გუნდი ევროპაში დომინირებს და 2015 წლის მსოფლიო თასზე საუკეთესო შედეგიც აჩვენა. მილტონ ჰეიგი საქართველოს ყველაზე დიდი ადვოკატია. მისი რწმუნებით, ქართულ გუნდებს პრო14-ში, სამხრეთაფრიკულ Currie Cup-ზე და სუპერ რაგბიში ასპარეზობაც შეუძლიათ - რათა მისმა მოთამაშეებმა პროფესიონალურ დონეზე უფრო მაღალი გამოცდილება მიიღონ.

კაპიტანი

საქართველოს ნაკრების უმეტესი ძალა შერკინებაზე მოდის - "ყველაზე დიდი, ყველაზე საზარელი შერკინება მსოფლიოში", - როგორც ინგლისის ეროვნული ნაკრების მთავარი მწვრთნელი, ედი ჯონსი უწოდებთ მათ. თუმცა მოედანზე მათ უკნიდან მერაბ შარიქაძე ლიდერობს, ცნობილი, როგორც "საქართველოს სიამაყე". 26 წლის შარიქაძეს ეროვნულ ნაკრებში უკვე 63 კეპი აქვს მოპოვებული. მისი დებიუტი 2012 წელს, 18 წლის ასაკში, ესპანეთის წინააღმდეგ შედგა. გარდა იმისა, რომ შარიქაძე გარეგნულად შიშის ზარს სცემს მეტოქეს, მას ხელით თამაშიც კარგად შეუძლია.

ის, ვისაც უნდა უყუროთ

ჯერ კიდევ 20 წლის თედო აბჟანდაძისთვის, რომელმაც მონაწილეობა 2017, 2018 და 2019 წლის 20-წლამდელთა მსოფლიო ჩემპიონატზე მიიღო, ეროვნულ ნაკრების კარი გასული წლის ნოემბერში გაიღო. მან ბორჯღალოსნების შემადგენლობაში უკვე შვიდი მატჩი ჩაატარა. აბჟანდაძე ის ერთ-ერთი უკანახაზელია, რომელიც საქართველოს გარშემო შექმნის სტერეოტიპს - "ძლიერი შერკინება" ანგრევს. პატარა ტანის აბჟანდაძის ბურთით ხელში ნახვა სიამოვნებაა. პირველ მიღებაზე ის კრეატიულია და შთამბეჭდავი ტემპერამენტი აქვს. საქართველოს ეროვნული ნაკრების მთავარ მწვრტნელს, მილტონ ჰეიგს სჯერა, რომ აბჟანდაძე "მსოფლიო დონის მოთამაშე" გახდება.

საქართველოს მომენტები მსოფლიო თასი

2015 წლის მსოფლიო თასი საქართველოსთვის ჯერჯერობით საუკეთესო იყო. ბორჯღალოსნებმა ჯგუფში ორი მატჩი, ნამიბიისა და ტონგას წინააღმდეგ მოიგეს, ჯგუფში მესამე ადგილი დაიკავეს და იაპონიის საგზურიც ავტომატურად მოიპოვეს.

ვერდიქტი

რა თქმა უნდა, საქართველო მზარდი გუნდია, თუმცა წარმოუდგენლად რთულ ჯგუფში მოხვდნენ, განსაკუთრებით იმის ფონზე, რომ ფიჯის ნაკრები ახლა შესანიშნავ ფორმაშია. დარწმუნებულები იქნებიან, რომ ურუგვაის მოუგებენ, თუმცა რთული წარმოსადგენია, რომ ბორჯღალოსნები დანარჩენ მატჩებში მოგებას შეძლებენ".