ფეხბურთი / პრემიერლიგა /
ლოვრენი განაცხადს მიღმა დატოვეს - ხორვატი მცველი ლივერპულს ტოვებს
08/13/2019 17:24
209

დეიან ლოვრენი ევროპის სუპერთასის განაცხადს მიღმა დატოვეს. ხორვატი მცველი ჩელსისთან სტამბულში გასამართ ევროპის სუპერთასის მატჩს გამოტოვებს.

როგორც Sky Sports-ი წერს, მერსისაიდული კლუბი 30 წლის ფეხბურთელის ტრანსფერთან დაკავშირებით, რომასთან მოლაპარაკებებს აწარმოებს. ლოვრენის სატრანსფერო ღირებულებად 15 მილიონი ფუნტი სახელდება.

დეიან ლოვრენი ლივერპულში 2014 წლის ზაფხულში საუთჰემპტონიდან 25 მილიონი ფუნტის სანაცვლოდ გადავიდა. მერსისაიდული კლუბის მაისურით ჩატარებულ 170 მატჩში, მის ანგარიშზე 7 გოლია. გასულ სეზონში ლოვრენმა ლივერპულთან ერთად ჩემპიონთა ლიგა მოიგო.

#Flashscore