ჩოგბურთი / ATP /
ლეივერის თასზე ევროპისა და მსოფლიოს გუნდებში მატებაა
08/13/2019 18:32
211

20-22 სექტემბერს, შვეიცარიის ქალაქ ჟენევაში 2019 წლის როდ ლეივერის თასი გაიმართება.

ტრადიციულად ერთმანეთს ევროპისა და მსოფლიოს გუნდები დაუპირისპირდებიან.

ევროპის ხუთეულისა და მსოფლიოს ოთხეულის გამოცხადების შემდეგ, გუნდებმა თითო-თითო ჩოგბურთელი დაიმატეს.

ევროპის გუნდს ახალგაზრდა ბერძენი სტეფანოს ციციპასი დაემატება, ხოლო მსოფლიოს გუნდში კვლავაც ნიკ კირიოსი ითამაშებს.

აღსანიშნავია, რომ ევროპის გუნდი უკვე სრულად დაკომპლექტდა. გუნდს, რომელსაც ბიორნ ბორგი უკაპიტნებს, როჯერ ფედერერი, რაფაელ ნადალი, ალექსანდრ ზვერევი, დომინიკ ტიმი, ფაბიო ფონინი და სტეფანოს ციციპასი იასპარეზებენ.

მსოფლიოს გუნდს კი ჯერჯერობით მხოლოდ ერთი ჩოგბურთელი აკლია. ჯონ მაკენროის კაპიტნობით მსოფლიოს გუნდი კევინ ანდერსონი, ჯონ იზნერის, მილოშ რაონიჩის, დენის შაპოვალოვისა და ნიკ კირიოსის მონაწილეობით გავა.

შეგახსენებთ, რომ აქამდე როდ ლეივერის სახელობის თასის გათამაშება სულ ორჯერ გაიმართა და ორივეჯერ ევროპის გუნდის გამარჯვებით დასრულდა.

 

#Flashscore