ფეხბურთი / სერია ა /
იკარდიმ იუვენტუსს ულტიმატუმი წაუყენა
08/13/2019 18:40
359

როგორც მოგეხსენებათ, მაურო იკარდის მილანის ინტერიდან წასვლა გარდაუვალია. "ნეროძურის" ხელმძღვანელობამ ლუკაკუსთვის 9-ნომრიანი მაისურით, არგენტინელს ყველანაირად აგრძნობინა, რომ გუნდისთვის საჭირო მოთამაშე არ არის.

უკანასკნელ პერიოდში, ორი ვარიანტი გამოიკვეთა, იტალიის მოქმედი ჩემპიონი იუვენტუსი და დედაქალაქური რომა. რა თქმა უნდა, ფორვარდს უფრო მეტად "შავ-თეთრებში" გადასვლა უნდა, თუმცა ისინი სათანადოდ არ აქტიურობენ.

ამის გამო, მაურომ ულტიმატუმის წაყენება სცადა, მისი განცხადებით მომავალ კვირამდე მოიცდის და თუ აქტიურობას ვერ დაინახავს, რომში წავა.

მილანელები არგენტინელში 70 მილიონ ევროს ითხოვენ, თვითონ ფეხბურთელს კი წლიურად 7.5 მილიონის მიღება სურს, პლუს ბონუსები.

საინტერესოა, რომ კიდევ ერთი იტალიური გრანდი ნაპოლი 60 მილიონის გადასახდელად მზადაა, თუმცა ინტერს რომას შეთავაზება უფრო მოსწონს, სადაც ისინი 40 მილიონს და ედინ ჯეკოს სთავაზობენ.

ვნახოთ, როგორ განვითარდება მოვლენები, ფეხბურთელს ტურინში თამაში ბევრად ხიბლავს, თუმცა ჯერჯერობით როგორც ჩანს ისინი დიდად არ ჩქარობენ.

#Flashscore