ფეხბურთი / ქართული ფეხბურთი /
ჯანო ანანიძე: "ან გავხდები ლიდერი ახლა, ან არასდროს"
08/14/2019 18:41
712

მოსკოვის სპარტაკის ოფიციალური ვებგვერდი საქართველოს ეროვნული ნაკრების ერთ-ერთ ლიდერთან, ჯანო ანანიძესთან ვრცელ იტერვიუს ავრცელებს.

ჯანო ინტერვიუში ტრავმებზე, სამარაში გატარებულ დროსა და სპარტაკში ამჟამინდელ მდგომარეობაზე საუბრობს. ქართველი ნახევარმცველი მიმდინარე სეზონში საბრძოლოდაა განწყობილი და საკუთარ თავზე მოსკოვური კლუბის ლიდერობის აღება სურს.

გთავაზობთ Spartak.com-ის ინტერვიუს ნაწყვეტს ჯანო ანანიძესთან:

-რვანახევარი წლის წინ სპარტაკის შემადგენლობაში შვეიცარიული კლუბი უკვე დამარცხებული გყავთ, მაშინ ბაზელს გამარჯვების მომტანი გოლი გაუტანეთ. როგორი მოგონებები გაქვთ ამ დაპირისპირებაზე?

-მას შემდეგ ბევრი დრო გავიდა, ახლა საერთოდ სხვა გუნდი გვყავს. თუმცა ამ მატჩის გახსენება, სასიამოვნოა. 93-ე წუთზე მაკგიდმა ჯარიმა გამოიმუშავა. ჩვენ თამაშამდე შევთანხმდით, სახიფათო ჯარიმის შემთხვევაში, მე ვცდიდი. ასეც მოხდა. ცოტა გამიმართლა, კედელი დაიშალა და ძელს მოხვედრილი ბურთი კარში შევიდა.

-ეს სპარტაკში გატანილი ერთ-ერთი ყველაზე დასამახსოვრებელი გოლი იყო?

-10 წლის წინ, კრასნოდარის წინააღდეგ, პირველივე მატჩში პირველივე გოლი გამორჩეულად ძვირფასია. თუმცა ბაზელთან გატანილ გოლს გულშემატკივრები კომენტარებში ხშირად იხსენებენ. ჩვენ ხომ 0:2-ს ვაგებდით, თუმცა ყველაფრის შემოტრიალება მოვახერხეთ. ამასთან ერთად, მოედაზე სათადარიგო სკამიდან შევედი და გუდს გამარჯვებაც მოვუტანე.

-ბოლო წლებში სპარტაკი ევროტურნირების შესარჩევ ეტაპებზე არც ისე კარგად ასპარეზობს. რა არის ამ წარუმატებლობის მიზეზი? და რა უნდა გაკეთდეს, რომ იგივე აღარ განმეორდეს?

-ვფიქრობ, ამ შედეგებში წვლილი მეტოქის დაუფასებლობასაც მიუძღვის. იქამდე იმ გუნდების შესახებ არაფერი მსმენოდა და ამან გავლენა მოახდინა. თუმცა უნდა გავიაზროთ, რომ ახლა მარტივად მოგება არავისთან შეიძლება. ფარერებზე თამაში ისწავლეს, გიბრალტარის ნაკრებმა კი ირლანდიასთან მხოლოდ ერთბურთიანი სხვაობით წააგო. ამავდროულად, როცა როსტოვსა და სამარაში ვთამაშობდი, ჩემი თვალით ვხედავდი, როგორ ემზადებოდნენ ცსკა-ს, ზეიტის, კრასნოდარის წინააღმდეგ. სპარტაკის წინააღმდეგ ემზადებიან, თითქოს ჩემპიონთა ლიგის თამაშია. მნიშვნელოვანია, რომ ეს გვახსოვდეს და მეტოქეს იმავეთი ვუპასუხოთ.

-გასულ სეზოში არენდით კრილია სოვეტოვში ითამაშეთ. რას მოგცათ ამ პერიოდმა?

-ყველაზე მნიშვნელოვანი - პრაქტიკა. იმიტომ, რომ ფეხბურთელისთვის 30-40 წუთის თამაში ძალიან ცოტაა. სამარაში მოედანზე რეგულარულად გავდიოდი, თუ არ ჩავთვლით ბოლო ტურებს, სადაც მცირე დაზიანების გამო გამოვტოვე. საბედნიეროდ, ახლა არაფერი მტკივა.

-სამარელთა მთავარმა მწვრთნელმა, მიოდრაგ ბოჟოვიჩმა ერთ-ერთი მატჩის შემდგომ დარწმუნებით განაცხადა, რომ ჯანოს საუკეთესო წლები ჯერ კიდევ წინ არის, მათ შორის, სპარტაკშიც. გჯერათ, რომ ეს ასეც მოხდება?

-მინდა, სპარტაკის ლიდერი ვიყო. თუმცა, ვხვდები, რომ ეს ან ახლა უნდა მოხდეს, ან არასდროს. ვგრძნობ, რომ ისე შემიძლია ვითამაშო, როგორ თამაშსაც ჩემგან გულშემატკივრები ელიან. სამწუხაროდ, აქამდე ხელს ტრავმები მიშლიდნენ.რომ დავთვალოთ, სპარტაკში გატარებული ათი წლის განმავლობაში სამი წელი მხოლოდ მკურნალობაზე დავხარჯე. ხშირად ვკითხულობ, რომ თურმე ეს ყველაფერი ჩემი აგებულების გამო ხდება, თუმცა სეხედეთ გარეტ ბეილს. ის ჩემზე სამჯერ მეტს იწონის და კუთებიც ჩემზე სამჯერ დიდი აქვს, თუმცა ჩემზე ხშირად იმტვრევა. 

-მაშინ რა არის თქვენი ხშირი ტრავმიანობის მიზეზი?

-შესაძლოა, ძალიან ადრე დავიწყე კაცების წინააღმდეგ თამაში. პლუს ამას, თავადვე ვარ დამნაშავე, რომ ადრე ტრენაჟორებს აქტიურად არ ვსტუმრობდი. ახლა ამას ბევრად უფრო ხშირად ვაკეთებ. არ ვამბობ, რომ რობოტის დონემდე უნდა ივარჯიშო, თუმცა პროფილაქტიკა საჭიროა, რათა კუნთები და სახსრები ტონუსში იყოს. რამდენიმე დღის წინ ჩვენთან, ბაზაზე ჟენია სავინი მოვიდა. ის დილით ადრე მოვიდა, დაახლოებით ათის ნახევრისკენ. მე კი ყველაზე პირველი, უკვე ბაზაზე ვიყავი, ის თვალებს არ უჯერებდა. თუმცა მე ეს მჭირდება. მესმის, რომ დეკემბრამდე უნდა ვაჩვენო ყველაფერი, რაც შემიძლია. გადავწყვიტო, როგროც პრომესმა: გავცე და გავიტანო, წავიყვანო თამაში. ისიც მეხმარება, რომ მთავარი მწვრთნელისგან ნდობას ვგრძნობ.

-მიმდინარე სეზონში გუნდში მნიშვნელოვანი ცვლილებები განხორციელდა. როგორ ფიქრობთ, ეს ყველაზე სერიოზული გადახალისებაა?

-დიახ, შემადგენლობის ასეთი რადიკალური ცვლილება არ მახსოვს. სწორედ ამიტომ, ჩემპიონატი არც ისე კარგად დავიწყეთ. სოჭში არც ისე კარგად გამოვიყურებოდი, ტამბოვთან კი წავაგეთ... დარწმუნებული ვარ, რომ ყველაფერი დალაგდება. თამაშიდან თამაშამდე პროგრესი გვაქვს, სისწრაფეში, პოზიციურ შეტევაში...

#Flashscore