ფეხბურთი / ევროპის ლიგა /
საბურთალომ ევროტურნირებზე ასპარეზობა დაასრულა
08/14/2019 21:54
184

მიხეილ მესხის სტადიონზე საბურთალომ მესამე საკვალიფიკაციო ეტაპის განმეორებით შეხვედრაში არარატ-არმენიას უმასპინძლა.

პირველ მატჩში 2:1 გამარჯვების შემდეგ, ფავორიტებად მასპინძლები ითვლებოდნენ.

მატჩი საკმაოდ უხეში გამოდგა. მატჩის მთავარმა არბიტრმა ფეხბურთელებს თერთმეტი ყვითელი ბარათი უჩვენა.

პირველი ტაიმი საქართველოს ჩემპიონმა აქტიურად დაიწყო, თუმცა ანგარიში სომხებმა მეათე წუთზე გახსნეს. ანტონ კობილკომ საბურთალოს მცველების შეცდომა გამოიყენა და მატჩში პირველი გოლი გაიტანა - 0:1.

გაშვებული გოლის შემდეგ, საბურთალო სრულ უპირატესობას ფლობდა, თუმცა ქართველმა ფეხბურთელებმა გოლის გატანა ვერ მოახერხეს.

მეორე ტაიმი სომხებმა აქტიურად დაიწყეს და 66-ე წუთზე თერთმეტმეტრიანიც გამოიმუშავეს. მსაჯთან შეკამათებისთვის კი საბურთალოელთა გოლკიპერმა, ოთარ მიგინეიშვილმა ყვითელი ბარათი დაიმსახურა. 67-ე წუთზე კი პეტროს ავეტისიანმა პენალტი ზუსტად შეასრულა და საბურთალო ურთულეს მდგომარეობაში ჩააგდო - 0:2.

მეორე გაშვებული გოლის შემდეგ საბურთალოელები გააქტიურდნენ, თუმცა სომხები თავს კარგად იცავდნენ. დამატებით წუთზე გიორგი რეხვიაშვილმა გოლის გატანა შეძლო, თუმცა გვერდითმა მსაჯმა თამაშგარე მდგოამრეობა დააფიქსირა.

სამწუხაროდ, საბურთალომ ევროტურნირებზე ასპარეზობა უეფას ევროპა ლიგის მესამე საკვალიფიკაციო ეტაპიდან გამოეთიშა.

შეგახსენებტ, რომ კიდევ ერთი ქართული გუნდი, რომელიც ევროპა ლიგის საკვალიფიკაციო ეტაპის განმეორებით მატჩს ითამაშებს, დინამო თბილისია. როტერდამში 0:4 წაგების შემდეგ, საქართველოს ყველაზე ტიტულოვანი გუნდი ფეინოორდს შინ, დინამო არენაზე უმასპინძლებს.