ფეხბურთი / ლა ლიგა /
BBC: პსჟ-მ რეალსა და ბარსელონას უარი უთხრა
08/15/2019 1:03
438

პარი სენ-ჟერმენმა ესპანურ გრანდებს, კატალონიის ბარსელონასა და მადრიდის რეალს ნეიმარის ტრანსფერის შეთავაზებებზე უარი უთხრა.

BBC Sport-ის ინფორმაციით, კატალონიელებმა პარიზულ კლუბს 100 მილიონ ევროს პლუს ფელიპე კოუტინიო შესთავაზეს. მოლაპარაკებაში ასევე ნახსენები იყო ივან რაკიტიჩიც, თუმცა ბარსელონამ უარი მიიღო.

ბარსას მსგავსად, პსჟ-მ უარით რეალიც გაისტუმრა. "სამეფო კლუბმა" პსჟ-ს გარკვეულ თანხასთან ერთად გარეტ ბეილი და ხამეს როდრიგესი შესთავაზეს. საფრანგეთის ჩემპიონებს კი ვინისიუსის ტრანსფერში ჩართვა სურდათ, თუმცა მადრიდელებს ახალგაზრდა ბრაზილიელი ფეხბურთელი არ უხსენებიათ.

ცნობისთვის, ესპანურ მედიაში ვრცელდებოდა ინფორმაცია, რომ ბარსელონას წარმომადგენლები პარიზში ჩაფრინდნენ, სადაც ნეიმარის ტრანსფერთან დაკავშირებით პსჟ-სთან მოლაპარაკებებს აწარმოებდნენ. აღსანიშნავია ასევე ისიც, რომ გავრცელებული ინფორმაციის თანახმად, 27 წლის ბრაზილიელს კატალონიელთა კაპიტანმა, ლიონელ მესიმ დაურეკა და მისი დარწმუნება სცადა.

შეგახსენებთ, რომ ნეიმარი ბარსელონადან პსჟ-ში 2017 წელს, 222 მილიონი ევროს სანაცვლოდ გადავიდა.