ფეხბურთი / ქართული ფეხბურთი /
ქართველებს მთელი სეზონის გატარება ძველ სტადიონზე მოუწევთ
08/17/2019 11:47
773

რუსული გამოცემა БИЗНЕС Online-ის ინფორმაციით, ზურიკო დავითაშვილის, ხვიჩა კვარაცხელიასა და ბექა მიქელთაძის ყაზანის რუბინი მომავალ სეზონს ძველ სტადიონზე "ცენტრალურზე" ჩაატარებს.

როგორც იცით, მსოფლიო ჩემპიონატის დაწყებამდე ყაზანურ გუნდს ძალიან ლამაზი 45000-იანი "ყაზან არენა" აუშენეს, სადაც გუნდმა უკანასკნელი ორი სეზონი ითამაშა.

ამ სტადიონზე ჯერ 22-დან 27 აგვისტომდე WorldSkills უნდა ჩატარდეს, ასევე მან უნდა უმასპინძლოს ჯერ პრეზიდენტი ვლადიმერ პუტინის, შემდეგ კი ყოფილი პრეზიდენტის დიმიტრი მედვედევის ვიზიტებს.

მოკლედ რომ შევაჯამოთ, როგორც ჩანს ყაზანში ახალ სტადიონს ფეხბურთის გარდა ყველაფრისთვის იყენებენ. სამწუხაროა, რომ ახალგაზრდა ქართველებს საშინაო მატჩების გამართვა, არა უახლეს არენაზე, არამედ მოძველებულ და ფეხბურთისთვის არც თუ ისე კარგ სტადიონზე მოუწევთ.