ქართული სპორტი / ქართული კალათბურთი /
საბა ლობჟანიძე რუსთავში ითამაშებს
08/17/2019 15:24
100

გეგი ბაქრაძის შემდეგ, რუსთავმა დელტას კიდევ ერთი კალათბურთელი გადაიბირა და კონტრაქტი საბა ლობჟანიძესთან გააფორმა. 

ლობჟანიძე დელტას რიგებში სუპერლიგის გასული სეზონის გამარჯვებული გახდა და საშუალოდ 9 ქულას და 3.4 მოხსნას აგროვებდა. 

შეგახსენებთ, რომ სუპერლიგის დასრულებული სეზონის შედეგებით, რუსთავმა ბოლო ადგილი დაიკავა და ლიგა დატოვა, მაგრამ არის შანსი, რომ სუპერლიგაში გუნდების რაოდენობა გაიზარდოს და რუსთაველები ქართული კალათბურთის ელიტაში დარჩნენ. 

ცნობისთვის, საქართველოს ეროვნული ნაკრების მთავარმა მწვრთნელმა, ილიას ზუროსმა, საბა ლობჟანიძე  ეროვნული გუნდის კემპზე გამოიძახა.