ფეხბურთი / პრემიერლიგა /
5 ხმაურიანი ტრანსფერი, რომელიც, შესაძლოა, ზაფხულის ბოლომდე განხორციელდეს
08/20/2019 17:50
4949

ზაფხულის სატრანსფერო ფანჯარა ჯერჯერობით მხოლოდ ინგლისში დაიხურა. ევროპაში კი საჭირო თუ არასაჭირო ფეხბურთელების გაცვლა-გამოცვლა კვლავაც მიმდინარეობს.

გთავაზობთ იმ ფეხბურთელების სიას, რომელთა ტრანსფერის შესახებ ინფორმაცია ყოველდღიურად ვრცელდება და რომლებიც საკმაოდ ხმაურიანი იქნება.

1. ნეიმარით დაინტერესებული სამი გუნდია: ბარსელონა, რეალი, იუვენტუსი

მთავარი საფეხბურთო საგა, რომელიც მიმდინარე სატრანსფერო ფანჯრისას ჯერ კიდევ გრძელდება... ნეიმარს პარი სენ-ჟერმენში დარჩენა აღარ სურს. თავის მხრივ, პარიზულ კლუბს ამ დამოკიდებულებით ფეხბურთელის შენარჩუნება არ სურს, თუმცა საქმე იმაშია, რომ პსჟ-ს იმ თანხის უკან დაბრუნება სურს, რაც მათ ბრაზილიელის სანაცვლოდ გადაიხადეს. ჯერჯერობით, 27 წლის სუპერვარსკვლავი გულშემატკივრებს თავს არა საფეხბურთო, არამედ სკანდალური ამბებით ახსენებს. ნეიმარისთვის პრიორიტეტი ბარსელონაში დაბრუნებაა, თუმცა მადრიდის რეალიც არ გამოირიცხება.

ბარსელონამ პსჟ-ს უკვე გაუკეთა შეთავაზება, თუმცა პარიზელებს მინიმუმ 222 მილიონი ევროს მიღება სურთ - იმდენის, რამდენიც მათ ბარსელონადან ნეიმარის ტრანსფერში გადაიხადეს. პრობლემა ის არის, რომ 2019 წელს, ტრავმებით დატვირთული ნეიმარი უკვე ასეთი თანხა აღარ ღირს.

ბოლო დროს, ნეიამრის ტრანსფერისთვის ბრძოლაში იტალიური გრანდი, ტურინის იუვენტუსიც ჩაერთო. "ბებერი ქალბატონები" მზად არიან, ბრაზილიელის სანაცვლოდ პსჟ-ს პაულო დიბალა და თანხა შესთავაზონ. როგორც ჩანს, თავად ნეიმარიც არ არის წინააღმდეგი, ცოტა ხნით მაინც, კრიშტიანუ რონალდუს გვერდით ითამაშოს.

ნეიმარის სტატისტიკა პსჟ-ში:

მატჩი: 58
გოლი: 51
ტიტული: 5

2. პაულო დიბალა პარი სენ-ჟერმენში

იუვეს არგენტინელი ვარსკვლავი, პაულო დიბალა მის კლუბს არც ისე სჭირდება, თუმცა მისი გადასვლა სხვა კლუბში ჯერჯერობით ვერ ხერხდება. იყო შანსი, რომ არგენტინელი მანჩესტერ იუნაიტედში გადასულიყო, თუმცა ასე არ მოხდა. ასევე იყო შანსი ტოტენჰემთანაც, თუმცა არც ეს გამოვიდა.

დარჩა მხოლოდ ერთი შანსი - პარი სენ-ჟერმენი, რომელიც მზად არის, დიბალას წელიწადში ხელფასის სახით 12 მილიონი ევრო გადაუხადოს. ჯერჯერობით, კი მხოლოდ ვარაუდები შეიძლება, თუ სად აღმოჩნდება პაულო დიბალა სეზონის დასაწყისში.

დიბალას სტატისტიკა იუვენტუსში:

მატჩი: 182
გოლი:78
ტიტული: 9

3. მაურო იკარდი - ნაპოლი, იუვენტუსი

კიდევ ერთი შესანიშნავი თავდამსხმელი არგენტინიდან, რომელიც თავის კლუბს არ ჭირდება. ცხადია, რომ მაურო იკარდი, ანტონიო კონტეს გეგმებში არ შედის, მიუხედავად იმისა, რომ ოთხი წლის გამავლობაში არგენტინელი კლუბის საუკეთესო ბომბარდირი იყო.

პრობლემა სკანდალებშია, რომლებმაც ფეხბურთელს რეპუტაცია შეულახა. თუმცა, დადის ხმები, რომ ნაპოლისა და იუვენტუსს ეს ყველაფერი არ აინტერესებთ.

იკარდის სტატისტიკა ინტერში:

მატჩი: 219
გოლი:124
ტიტული: 0

4. ხამეს როდრიგესი - ატლეტიკო, ნაპოლი

მიუნხენის ბაიერნში გატარებული ორი წლის შემდეგ, ხამეს როდრიგესი რეალში დაბრუნდა. კოლუმბიელი იმედოვნებდა, რომ გერმანელები მას გამოისყიდდნენ, თუმცა მისი იმედები არ გამართლდა. რეალს კი ხამესის შენარჩუნების არანაირი სურვილი არ გააჩნია და ბედნიერი იქნება, იგი სხვა კლუბს დაუთმოს.

კოლუმბიელი ფლეიმეიქერით კი დაიტერესებული ორი კლუბია - ნაპოლი და მადრიდის ატლეტიკო. იტალიელები განსაკუთრებულად მონდომებულები არიან, თუმცა საკითხავი ის არის, ეყოფათ თუ არა მათ ფული ხამესის შესაძეად.

ხამეს როდრიგესის სტატისტიკა რეალში:

მატჩი: 111
გოლი:36
ტიტული: 7

5. კრისტიან ერიქსენი - რეალი, ატლეტიკო

ტოტენჰემი ზაფხულის მიმდინარე სატრანსფერო ფანჯრისას საკმაოდ გაძლიერდა, თუმცა ისეთი ვარსკვლავის დაკარგვა, როგორიც ერიქსენია, კლუბს ნამდვილად ცუდად დაარტყამს. ბოლო დროს დანიელი ფეხბურთელი ახმაურდა და ყველას გააგებინა, რომ წინააღმდეგი არ იქნებოდა, ბედი ახალ ლიგაში ეცადა. მისით განსაკუთრებული ესპანეთში არიან, სადაც გამოსასყიდ თანხას რეალი და ატლეტიკო ამზადებენ. თუმცა ამ ეტაპზე ერიქსენის საგის დასასრულის გამოცნობა, რთული იქნება.

ჯერჯერობით კი, იმისთვის, რომ ზაფხულში ტოტენჰემმა კრისტიან ერიქსენი უფასოდ არ დაკარგოს, ხელფასის მომატებას 2.5-ჯერ კვირაში 80-დან 200 ათას გირვანქა სტერლინგამდე სთავაზობს. შეთავაზება ნამდვილად დამაფიქრებელია.

ერიქსენის სტატისტიკა ტოტენჰემში:

მატჩი: 277
გოლი:66
ტიტული: 0