ფეხბურთი / ლიგა 1 /
კილიან მბაპე 20 წლისაა!
12/20/2018 14:29
883

უამრავი გულშემატკივრის აზრით, კილიან მბაპე თანამედროვეობის საუკეთესო ახალგაზრდა ფეხბურთელია. ის ძალიან სწრაფად ვითარდება და უკვე არაერთი ტიტულის მფლობელი გახდა.

მისი თამაშის ყურებისას, ხშირად გაგიჩნდება კითხვა: როგორ შეიძლება ეს ბიჭი იყოს ასეთი ახალგაზრდა?

მბაპე, რომელიც დღეს 20 წლის გახდა, ყურადღებით აკვირდება და უსმენს გამოცდილ თანაგუნდელებს, ხოლო მისი ღიმილი ყველას პოზიტიურად განაწყობს. მონაკოში მისი ყოფილი თანაგუნდელი ბენჟამინ მენდი, მას თავის პატარა ობამას ეძახის.

ფილიპ ტურნონი, რომელიც 35 წელია საფრანგეთის საფეხბურთო ნაკრების პრესმდივანია ამბობს, რომ მას არასოდეს უნახავს მბაპესნაირი რესპონდენტი.

"ბევრი ფეხბურთელისთვის მედიასთან ურთიერთობა ტანჯვაა, ხოლო მიკროფონს წამების იარაღად აღიქვამენ, თუმცა კილიანი პირველივე დღიდან ძალიან მარტივად ურთიერთობს მასთან."

ფეხბურთელების დღევანდელი ფასებიდან გამომდინარე, არავისთვის გასაკვირი არ იყო მასში გადახდილი 145 მილიონი ევრო, რომელიც შესაძლოა 180 მილიონამდე გაიზარდოს. ამით კილიანი იქნა მსოფლიოს მეორე ყველაზე ძვირადღირებული ფეხბურთელი, თანაგუნდელი ნეიმარის შემდეგ, რომელშიც 222 მილიონი ევრო გადაიხადეს. მბაპემ ენტონი მარსიალის თინეიჯერ ფეხბურთელში გადახდილი 49.3 მილიონიანი რეკორდი დაამხო.

60 წლის მანძილზე, მსოფლიოს ჩემპიონატზე თინეიჯერ ფეხბურთელს არ გაუტანია ერთ გოლზე მეტი. რუსეთში კილიანი გახდა მეხუთე ახალგაზრდა მექსიკელი მანუელ როსასის (1930 წელი), გერმანელი ედმუნდ კონენის (1934 წელი), ბრაზილიელი წყვილის ხოსე ალტაფინისა და პელეს (1958) შემდეგ, რომელმაც ეს მოახერხა.

 

2017 წელს მონაკოსა და პსჟ-ში გატანილი 30 გოლი, ევროპის ტოპ 5 ჩემპიონატში გამომსვლელ თინეიჯერებში ყველა დროის რეკორდია. მეორე ადგილს ინგლისელი მაინკ ოუვენი იკავებს, რომელმაც ლივერპულის შემადგენლობაში 1998 წელს 29 გოლი გაიტანა.

თინეიჯერობისას მბაპემ უეფას ჩემპიონთა ლიგაზე 13 გოლი გაიტანა, რითაც წინა რეკორდი თითქმის გააორმაგა. პატრიკ კლაივერტმა აიაქსის შემადგენლობაში 7 გოლი გაიტანა, რაულმა და ბენზემამ კი 6-6.

20 წლის ასაკამდე, ფრანგმა მოახერხა 10 სანაკრებო გოლის გატანა და ის ამ შედეგით იმერ შლოსერსა და უეინ რუნისთან მესამე ადგილს იყოფს. მათზე წინ მხოლოდ ლეგენდარული პელე (26) და ჰარალდ ნილსენი არიან (15).

1958 წელს პელესა და 1982 წელს ჯუზეპე ბერგომის შემდეგ, მბაპე მესამე თინეიჯერია რომელმაც მსოფლიო თასის ფინალში აიასპარეზა.

#Flashscore