კალათბურთი / NBA /
კობი ბრაიანტი 41 წლის გახდა
08/23/2019 16:16
104

დღეს, 23 აგვისტოს, ლეგენდარული კობი ბრაიანტის დაბადების დღეა. "შავი მამბა" 41 წლის გახდა.

ეს იყოს სუპერვარსკვლავი, რომელსაც მოჰქონდა  უდიდესი ემოცია, რაც ამ სპორტს, უბრალოდ, აყვარებდა ადამიანს. არავის მასზე მეტად არ სდომებია გამარჯვება მოედანზე და არავის მასზე მეტად არ განუცდია მარცხი.

ეს არის კალათბურთელი, რომელიც მაგალითს წარმოადგენდა არა მხოლოდ რიგითი გულშემატკივრებისათვის, არამედ - მოქმედი კალათბურთელებისათვისაც. ლებრონ ჯეიმსი, იანის ანტეტოკუმპო, კაირი ირვინგი, რასელ ვესტბრუკი, კავაი ლეონარდი....

როდესაც ახალწვეულმა "მამბამ" შაკილ ონილს უთხრა, რომ მსოფლიოში საუკეთესო გახდებოდა, ეს გამოცდილ ცენტრს სასაცილოდ არ ეყო. გავიდა ხანი და, თუ ერთხმად არა, საკმაოდ, დიდი ნაწილი მას ყველა დროის საუკეთესოდაც კი თვლის.

და მაინც, მხოლოდ ყველასთვის მისაბაძი ფენომენი იყო კობი? არა, ეს გახლდათ, შეიძლება ითქვას, მენტალობის განსახიერება.
მაიკლ ჯორდანის ჰეგემონიის ეპოქაში, ბრაიანტი წარმოადგენდა, მაიკლთან ერთად, ერთადერთადერთ მოთამაშეს, რომელიც რამდენადაც საოცარი იყო შეტევაში, იმდენადვე გამოირჩეოდა დაცვაშიც.

პირდაპირ ვთქვათ, ისტორიაში, შეიძლება, ვერც ვიპოვოთ დაცვაში მასზე რთულად ასაყვანი მეტოქე.

გრეგ პოპოვიჩის, ტიმ დანკანისა და, მთლიანად, სან ანტონიო სპურსის "ღამის კოშმარი", რომელმაც ამ სამეულს საკუთარი ეპოქის შექმნის საშუალება არ მისცა.

2010 წლის NBA-ის სუპერფინალი, როდესაც კობი ამარცხებს ბოსტონ სელტიქსს. ეს სერია ბრაიანტმა დაზიანებული მუხლით (სასწრაფო ოპერაცია ესაჭიროებოდა), მძიმედ ნატკენი კოჭითა და მოტეხილი თითით ითამაშა. ასეთ კონდიციებში მყოფი სხვა მოთამაშეები მოედანზე შესვლაზეც კი უარს იტყოდნენ.

დღეს ლოს ანჯელეს ლეიკერსისა და მთელი კალათბურთის ცოცხალი ლეგენდის, კობი ბრაიანტის დაბადების დღეა, "მამბა" მთელი გულით მილოცვას, უბრალოდ, იმსახურებს.