ფეხბურთი / პრემიერლიგა /
ლამპარდმა ბატშუაისთან დაკავშირებით გადაწყვეტილება მიიღო
08/23/2019 18:14
173

ლონდონის ჩელსის მთავარმა მწვრთნელმა ფრენკ ლამპარდმა, მიში ბატშუაის მომავალზე ისაუბრა. ლამპარდის თქმით, ბელგიელი თავდამსხმელი "არისტოკრატებს" არ დატოვებს, რადგან საჭიროა, რომ თავდასხმის ხაზში კონკურენცია შენარჩუნდეს:

"მან 23-წლამდელთა გუნდში ითამაშა და კარგადაც გამოიყურებოდა. მიში ჩელსის არ დატოვებს, რადგანაც საჭიროა თავდასხმის ხაზში კონკურენცია შევინარჩუნოთ.

ჩვენ საკმაოდ კარგი მატჩები ჩავატარეთ. ვთვლი, რომ მომენტების მაქსიმალურად რეალიზების შემთხვევაში, გუნდი 3 მატჩიდან, სამივეს მოგებას მოახერხებდა". - განაცხადა ფრენკ ლამპარდმა.

აღსანიშნავია, რომ ჩელსიში დარჩენის წინააღმდეგი არც თვითონ ბატშუაია. ბელგიელი თავდამსხმელი მზად არის ძირითადში ადგილის მოსაპოვებლად იბრძოლოს.