ბლოგი / /
“ელ ნინიო“ – ლეგენდის დასასრული!
08/23/2019 21:56
382

ფერნანდო ხოსე ტორეს სანსი 1984 წელს ესპანეთის ქალაქ ფუენლაბრადაში დაიბადა. მეტსახელად “ელ ნინიომ“ პროფესიული კარიერა მადრიდის ატლეტიკოში დაიწყო.

მან “როხიბლანკოს“ რიგებში 2001-2007 წლებში ითამაშა და  214 მატჩში 82 გოლი გაიტანა. 

ბავშვობა... 

როგორც ამბობენ  მას ფეხბურთი ბავშვობიდანვე უყვარდა და უკვე 5 წლის ასაკში მეკარის პოზიციაზე თამაშობდა, მაგრამ შემდეგ მიხვდა, რომ მისი ადგილი  თავმდამსხმელის პოზიცია იყო. ტორესმა 11 წლის ასაკში რაიო 13-ის მაისურით სეზონში 55 გოლი გაიტანა. 

ოჯახი... 

როგორც ტორესი იხსენებს, მამა მუშაობდა ამიტომაც ვარჯიშებზე ყოველთვის დედა დაჰყვებოდა. ატლეტიკოში ჩარიცხვაში უდიდესი როლი ბაბუის ფაქტორმა ითამაშა. ცნობილი ფაქტია, რომ მისი ბაბუა “ინდიელების“ უდიდესი გულშემატკივარი იყო. 

ლივერპული... 

2007 წელს ფერნანდო მერსისაიდულ გრანდში გადაბარგდა. ბევრი მიიჩნევს, რომ ტორესის საუკეთესო წლები “წითლების“ ბანაკში გატარებული პერიოდი იყო. მან ლივერპულში რობი ფაულერის რეკორდი  გააუმჯობესა (ერთ სეზონში 20-ზე მეტი გოლი გაიტანა).

 

2011 წელს ტორესი ჩელსიმ იყიდა. “ლურჯებმა“ მის სანაცვლოდ, 50 მილიონი ფუნტი გადაიხადეს. ამ მაჩვენებლით მაშინ ყველაზე ძვირადღირებული ესპანელი ფეხბურთელი გახდა.

ტიტულები

  • ევროპის ჩემპიონი 16-წლამდელთა შორის (1): 2001,
  • ევროპის ჩემპიონი 19-წლამდელთა შორის (1): 2002,
  • ევროპის ჩემპიონი (2): 2008, 2012,
  • ევროპის ჩემპიონატის ბომბარდირი (1): 2012,
  • მსოფლიოს ჩემპიონი (1): 2010,
  • უეფას ჩემპიონთა ლიგის გამარჯვებული (1): 2012. 

ინდივიდუალური პრიზები

1. ევროპის 16-წლამდელთა ჩემპიონატის საუკეთესო მოთამაშე და ბომბარდირი (2001 წელი), 

2. 19-წლანდელთა ევროპის ჩემპიონატის საუკეთესო ფეხბურთელი  და ბომბარდირი (2002 წელი), 

ტორესის მიღწევებში ისეთი ჯილდოები ჭარბობს, როგორიც თვის საუკეთესო ფეხბურთელია. ის 2008 წელს ევროპის ჩემპიონატის ფინალში საუკეთესოდ დაასახელს და საბოლოოდ, საუკეთესო თერთმეტეულშიც შეიყვანეს. ფერნანდო ოქროს ბურთის მოგების კანდიდატიც იყო, მაგრამ რონალდუსა და მესისთვის კონკურენციის გაწევა ურთულესი აღმოჩნდა. 

 

ლივერპულში გატარებული წლების შემდეგ, ფერნანდო ვეღარ ბრწყინავდა. “არისტოკრატებში“ ჩატარებულ 110 მატჩში 20 გოლი გაიტანა და საბოლოოდ, მილანში გადავიდა. “როსონერის“ მაისური მან სერია ა-ში 10-ჯერ მოირგო (1 გოლი). 

კარიერის მიწურულს, ის ატლეტიკოში დაბრუნდა (2015-2018),108 შეხვედრში მიიღო მონაწილეობა და 27-ჯერ დალაშქრა მეტოქე გუნდის კარი. 

ბოლოს იყო იაპონია და საგან ტოსუ, სადაც ის 34 მატჩს ატარებს და 5 გოლი გააქვს. ბუცების ლურსმანზე ჩამოკიდებამდე “ბიჭუნამ“ ვისელ კობეს წინააღმდეგ იასპარეზა და გულშემატკივრებს დაემშვიდობა.